"Ibyo nzi ni ibyanjye iby’abandi simbizi"- Yverry asubiza niba atabangamiwe n’igitaramo cya Kassav’

Yanditswe na Nsengiyumva Emmy
Kuya 14 Gashyantare 2020 saa 03:15
Yasuwe :
0 0

Mbere y’amasaha make ngo akore igitaramo cyo kumurika Album ye ya mbere yise “Love you more”, Yverry yakoze ikiganiro n’abanyamakuru bamubajije niba adatewe impungenge n’igitaramo cya Kassav’ bigomba kubera umunsi umwe mu mujyi wa Kigali.

Yverry aganira n’itangazamakuru ku mugoroba wo kuri uyu wa Kane tariki 13 Gashyantare 2020 yavuze ko yiteguye ku rwego rwo hejuru ndetse yizeye ko ari bubone abafana mu gitaramo cye.

Abajijwe niba adafite impungennge za Kassav’ ifite igitaramo muri Kigali Convention Center kuri uyu wa Gatanu tariki 14 Gashyantare 2020 yagize ati” Ubu njye ndi kureba ibyanjye, ibyo bindi ntabyo nzi.”

Uyu musore yavuze ko yiteguye neza gushimisha abakunzi b’umuziki we ndetse n’abahanzi bose yatumiye biteguye neza ku buryo yizeye ko igitaramo cye kiri bugende neza.

Ibi bitaramo byahuriranye ku munsi w’abakundanye mu mujyi wa Kigali, Yverry akaba ari bukorere icye ahazwi nka Camp Kigali kuri uyu wa Gatanu tariki 14 Gashyantare 2020 mu gihe Kassav’ nayo ikorera muri Kigali Convention Center.

Yverry igitaramo cye kiraba kirimo abandi bahanzi nka; King James, Bruce Melodie, Social Mula, Andy Bumuntu, Queen Cha n’abandi benshi.

Kwinjira muri iki gitaramo biraba ari 5000 Frw mu myanya isanzwe, 10000 Frw mu myanya y’Icyubahiro, 15000 Frw ku bakundana bajyana na 20000 Frw mu myanya y’icyubahiro cyane.

Reba ikiganiro Yverry yagiranye n’itangazamakuru mbere y’amasaha make ngo akore igitaramo

Muyoboke Alex uri gufasha Yverry mu gitaramo cye yasobanuriye abanyamakuru ko biteguye neza
Yverry ati" Ibyo nzi ni ibyanjye ibyabandi simbizi"

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza