00:00:00 IGIHE NETWORK KN KINYARWANDA EN ENGLISH FR FRANCAIS

Ibyihariye kuri album ya gatatu Gisubizo Ministries igiye kumurikira abakunzi bayo

Yanditswe na Uwiduhaye Theos
Kuya 20 June 2022 saa 08:33
Yasuwe :

Gisubizo Ministries Kigali imenyerewe mu ndirimbo zo kuramya no guhimbaza Imana, igiye gushyira hanze album nshya yise ‘Worship Legacy Season 3’ aho indirimbo hafi ya zose ziriho zizafatirwa amashusho ‘Live recording’ mu gitaramo iteganya.

Ni gitaramo gitenyijwe ku wa 10 Nyakanga 2022 muri CLA i Nyarutarama. Cyateguwe na BahAfrica Entertainment ya Ndayirukiye Fleury. Iyi album izaba iriho indirimbo umunani ariko amashusho y’eshatu yamaze gufatwa anashyirwa hanze.

Iyi ni season ya gatatu y’ibitaramo bya Gisubizo Ministries. Iki gitaramo kigamije guhembura imitima y’abakunzi b’umuziki uhimbaza Imana. Muri izi zimaze gufatirwa amashusho harimo “Humura”, “Umuremyi” na “Urakwiriye”.

Ingabire Vincent ushinzwe imitegurire y’iki gitaramo yabwiye IGIHE ko iyi album, iriho indirimbo ziganjemo izigamije guhembura imitima ya benshi.

Iyi album yakozweho na Producer Nicolas na Fabrice Nzeyimana mu buryo bw’amajwi. Amashusho yakozweho na Ndayirukiye Fleury ari nawe uzafa ayo mu gitaramo.

Igitaramo cyo kumurika iyi album ya gatatu ya Gisubizo kizagaragaramo abandi bahanzi batanu ariko kugeza ubu uwamaze gutangazwa ni Aime Frank uzwi mu gusubiramo indirimbo nyinshi z’abahanzi bakomeye.

Uyu musore afite n’ize ariko zirimo iyo yise “Ubuhamya bw’ejo’.

Kugeza ubu Gisubizo Ministries ibitaramo nk’ibi imaze kubikora inshuro ebyiri [season 2].

Icya mbere cyabaye muri Gicurasi 2018 kibera kuri CLA i Nyarutarama mu gihe icya kabiri cyabereye mu Intare Conference Arena mu 2019.

Kubera ingaruka za COVID-19 ntabwo igitaramo cyari cyasubukurwa.

Gisubizo Ministries ubu imaze kugira amashami 24 ku Isi yose, mu Rwanda (7), Repubulika Iharanira Demokarasi ya Congo (3), Uganda (5), Kenya (5), Amerika (3) n’u Buholandi (1).

Iri tsinda rifite ibigwi kuko ryahembwe muri Groove Awards Rwanda mu 2016, nka Korali y’Umwaka, ifite Indirimbo nziza y’Umwaka n’iyo Kuramya y’Umwaka.

Mu Karere ryatwaye Groove Awards Kenya 2017 rihigitse korali zo muri Afurika yo Hagati n’iy’Uburasirazuba. Imyaka 18 igiye gushira uyu muryango wa Gikirisitu wa Gisubizo Ministries uboneye izuba i Gikondo mu Mujyi wa Kigali.

Reba indirimbo Gisubizo iheruka gushyira hanze

Aime Frank ni we muhanzi wamaze kumenyekana uzaririmba muri iki gitaramo
Gisubizo Ministries igiye kumurika album yayo ya gatatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .