00:00:00 IGIHE NETWORK KN KINYARWANDA EN ENGLISH FR FRANCAIS

Ibyihariye ku bitaramo by’ikinamico biri gutegurwa na Clapton Kibonge

Yanditswe na Mahoro Vainqueur
Kuya 20 September 2022 saa 01:55
Yasuwe :

Umunyarwenya akaba n’umukinnyi wa filime, Mugisha Emmanuel, uzwi nka Clapton Kibonge agiye gutangiza ibitaramo bihoraho by’ikinamico n’urwenya yise “Isekere Theatre Nights”.

Ibi bitaramo byateguwe na Clapton Kibonge mu rwego rwo gufasha abaturarwanda gususuruka no kwishimana n’abanyarwenya biganjemo abakinnyi ba sinema harimo abamaze kumenyekana n’abandi bakizamuka.

Mu Rwanda abakunzi b’ikinamico bamenyereye izibera kuri radiyo zimaze igihe kinini, kuri televiziyo aho zisa n’izacitse intege n’izibera ku bibuga.

Kibonge avuga ko icyo azanye gitandukanye n’izindi ari uko zo zizajya zibera ahantu hamwe abantu basohokera mu gihe gihoraho bakabasha gukurikirana ikinamico imbonankubone mu gihe cy’umugoroba.

Mu kiganiro yagiranye na IGIHE yatangaje ko ibi bitaramo bizatangira mu gihe cya vuba.

Ati “Ni gahunda yo gususurutsa Abanyarwanda binyuze mu ikinamico ivanze n’urwenya , izajya iba mu gihe cya ni mugoroba , izaba irimo abakinnyi bakina ikinamico mu Rwanda, abazwi n’abatazwi ndetse n’abanyarwenya.”

“Ikinamico nyinshi zibera kuri radiyo izindi zikabera ahantu hatandukanye hirya no hino mu gihugu gusa twe ni gahunda y’ibitaramo bihoraho by’ikinamico n’urwenya bizajya bibera ahantu hamwe ku buryo abantu bazajya bahasohokera baje kureba ikinamico, bigamije gusetsa no kwigisha Abanyarwanda hagendewe ku bihe runaka barimo.”

Iki gikorwa kizategurwa na Daymakers, sosiyete y’urwenya yashinzwe na Clapton Kibonge.

Kibonge avuga ko iki ari igikorwa yasabwe n’abantu batandukanye bakunda ibitaramo by’ikinamico. Kuri ubuaracyakusanya abaterankunga bazifuza gukorana na we muri iki gikorwa kizahuza abakinnyi b’abahanga mu ikinamico mu Rwanda.

Mugisha Emmanuel ni umukinnyi wa filime wamenyekanye cyane muri filime zitandukanye nka Seburikoko yanamamaye kubera umwuga wo gusetsa biciye mu bitaramo bitandukanye by’urwenya yagiye agaragaramo mu Rwanda n’amashusho ashyira ku mbuga nkoranyambaga.

Umunyarwenya akaba n'umukinnyi wa filime, Clapton Kibonge

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .