00:00:00 IGIHE NETWORK KN KINYARWANDA EN ENGLISH FR FRANCAIS

Ibyaranze ubukwe bwa Yverry na Vanillah bemeranyije kubana akaramata (Amafoto)

Yanditswe na Uwiduhaye Theos
Kuya 13 June 2022 saa 12:41
Yasuwe :

Mbabarira uwo munsi nugera abe ari njye uzakwambika impeta y’uko ngukunda nk’uko njya mbirota. Aya ni amagambo agize indirimbo y’umuhanzi Yverry, wamaze gukabya inzozi zo kurushinga na Uwase Vanessa uzwi nka Vanillah.

Ni mu birori byabereye muri Sports View Hotel ku Kicukiro ku Cyumweru, tariki 12 Kamena 2022. Habanje umuhango wo gusaba no gukwa, hakurikiraho gusezerana imbere y’Imana no kwiyakira. Byose byabereye ahantu hamwe.

Byari byitabiriwe n’ibyamamare bitandukanye birimo Uncle Austin na Buravan banaririmbiye abageni. Hari kandi Olivis wo muri Active, Emmalito, Jean Claude Kwizigira ukorera RBA, Danny na None, Benjamin uzwi nka Gicumbi mu banyamakuru bogeza imipira kuri B&B FM Umwezi na mugenzi we Uwimana Clarisse bakorana.

Umunyamakuru David Bayingana ni we wari wabaye Parrain.

Hari kandi Symphony Band yaririmbiye abageni, Iganze Gakondo Group, Jules Sentore, Kirezi Brune witabiriye Miss Rwanda mu 2020, DJ Diallo wavanze imiziki muri ibi birori n’abandi.

Guhera mu 2020 ni bwo amakuru yatangiye kuvugwa ko Yverry akundana na Vanillah. Ku wa 17 Werurwe 2022 yamwambitse impeta amusaba ko yazamubera umufasha, undi arabyemera.

Aba bombi barushinze nyuma y’umuhango wo gusezerana mu Murenge wa Kimihurura ku wa 5 Gicurasi 2022.

Vanillah na Yverry bemeranyije kubana akaramata
Yverry atwikurura umugeni we
Yverry n'umugore we barebana akana ko mu jisho
Vanillah yasaga neza mu ikanzu yera deee
Urugo rwa Yverry rwaheshejwe umugisha
Vanillah yari amaze igihe akundana na Yverry
Apôtre Ruhinda Danny ni we wasezeranyije Yverry n'umukunzi we
Vanillah yambika Yverry impeta
Uwase Vanessa uzwi nka Vanillah yarize amarira y'ibyishimo
Uncle Austin na we yitabiriye
Umunyamakuru wa Isibo TV, Murenzi Emmanuel, uzwi nka Emmalito yari afite akanyamuneza ko kubona Yverry arushinga
Umunyamakuru Khamiss Sangwa wa Radio 10 yari ahari
Social Mula yari mu bukwe bw'umuhanzi mugenzi we
Sekamana Eric uzwi mu ruganda rw'imideli yitabiriye ibi birori
Olivis uzwi muri Active Voice mu batashye ubukwe bwa Yverry
Mozzy wamenyekanye muri Yemba Voice yashyigikiye Yverry warushinze
Kwizigira Jean Claude ni umwe mu bayoboye ibirori ubwo abageni bari mu muhango wo kwiyakira
Kirezi Rutaremara Brune witabiriye Miss Rwanda 2020 na we yari ahari
Kate Gustave Nkurunziza ukorera Radio/TV 10 ubwo yari ayoboye iki gikorwa
Buravan na Social Mula bitabiriye iki gikorwa
Yvan Buravan yaririmbiye abageni ibihangano bye bitandukanye
Abageni banyuzagamo bakaganira bongororana amagambo meza y'urukundo
Akanyamuneza kari kose ku bageni
Yverry yaririmbiye umukunzi we amagambo yiganjemo ay'urukundo
Icyumba cyabereyemo ubukwe ni uko cyari giteguye

Amafoto: Shumbusho Djasiri


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .