00:00:00 IGIHE NETWORK KN KINYARWANDA EN ENGLISH FR FRANCAIS

Ibya Nigeria byasubitswe! Menya impamba Bruce Melodie avanye muri Tanzania

Yanditswe na Nsengiyumva Emmy
Kuya 19 January 2022 saa 08:39
Yasuwe :

Nyuma y’ibyumweru bibiri Bruce Melodie ari kubarizwa muri Tanzania, aho yari kumwe n’itsinda ry’abatunganya indirimbo (producers), yagarutse mu Rwanda yitwaje impamba y’indirimbo eshanu zirimo ebyiri yakoranye na Harmonize.

Uyu muhanzi n’itsinda ryamuherekeje bageze mu Rwanda mu ntangiriro z’iki Cyumweru, icyakora bagarutse batarangije urugendo bari bagiyemo kuko batigeze berekeza i Lagos nk’uko bari babyifuje.

Amakuru IGIHE ifite ni uko bananiwe kwerekeza i Lagos kuko umuhanzi wo muri iki gihugu bifuzaga gukorana indirimbo batahuje amatariki neza bitewe n’ibitaramo arimo, bityo urugendo rwo muri iki gihugu rwimurirwa mu mezi ari imbere.

Icyakora nubwo iyi gahunda yo muri Nigeria itabashije kugerwaho, amakuru yizewe ahamya ko Bruce Melodie avuye muri Tanzania akoze indirimbo eshanu yanafatiye amashusho.

Muri izi ndirimbo harimo iyitwa ‘Izina’ iherutse gusohoka, ikaba yarafatiwe amashusho muri Tanzania mu gihe amajwi yayo yafashwe akanatunganywa na Element.

Usibye iyi ndirimbo, Bruce Melodie avuye muri Tanzania akoze izindi ndirimbo enye zirimo ebyiri yakoranye na Harmonize.

Izi ndirimbo zose zakozwe mu buryo bw’amajwi na Madebeats mu gihe amashusho yafashwe akanatunganywa na Meddy Saleh.

Izi ndirimbo uko ari eshanu zakozwe mu masezerano uyu muhanzi aherutse kumvikana na sosiyete ya 1:55 AM Ltd bemeranyije imikoranire ari nayo iri kureberera inyungu ze.

Bruce Melodie avuye muri Tanzania akoreyeyo indirimbo eshanu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .