Ni ibitaramo byatangiye kuri uyu wa 31 Kanama 2024 byitabirwa n’abahanzi barindwi nk’uko bari batangajwe mbere y’uko bitangira.

Iki gitaramo cyabimburiwe n’umuziki wacurangwaga na DJ Tricky wafatanyaga na MC Buryohe na MC Bianca mu gususurutsa abacyitabiriye.

MC Tricky yaje kwakirwa na Symphony Band yacurangiye abahanzi hafi ya bose bari muri ibi bitaramo uvanyemo Danny Nanone uri gucurangirwa na Sonic Band.

Kenny Sol ni we muhanzi wabanje ku rubyiniro, uyu muhanzi mu ndirimbo ze nyinshi zakunzwe yashimishije abakunzi be cyane ko bwari ubwa mbere yari atumiwe muri ibi bitaramo.

Mbere yo kuva ku rubyiniro yasoreje ku yitwa ‘Ku musenyi’ ya Jay Polly.

Nyuma ya Kenny Sol ku rubyiniro hakurikiyeho Bwiza wahingutse mu mwambaro w’abacuruza serivise za MTN Rwanda anabereye ’Brand Ambassador’.

Uyu muhanzikazi waririmbye nyinshi mu ndirimbo ze yishimiwe n’abakunzi b’umuziki bari bitabiriye ibi bitaramo.

Bwiza uri muri ibi bitaramo ari we mukobwa rukumbi wabitumiwemo, yakurikiwe na Bushali usanzwe ukundwa bikomeye by’umwihariko n’abakunda injyana ya Hip Hop, nawe ntiyabatenguha abaha ibyishimo mu ndirimbo ze nyinshi zakunzwe.

Uyu muraperi uri mu bagezweho yavuye ku rubyiniro yakiriwe na Danny Nanone wari uherekejwe n’ikipe ngari y’ababyinnyi ndetse n’itsinda rimucurangira ritandukanye na Symphony Band yacurangiye abandi bahanzi.

Danny Nanone wacurangiwe na Sonic Band ibarizwamo Prince Kiiiz nka Producer we bakorana, yashimishije abakunzi be mu ndirimbo ze yaba iza cyera ndetse n’izigezweho uyu munsi yagendaga avanga.

Nyuma ya Danny Nanone hagombaga gukurikiraho Chriss Eazy, uyu muhanzi wari ubizi ko inyuma ye hari Bruce Melodie ukunzwe bikomeye nawe yashyizemo imbaraga agaragaza ko ari umwe mu bamaze kuzamura izina rye mu muziki w’u Rwanda.

Chriss Eazy wishimiwe bikomeye akiva ku rubyiniro yakurikiwe na Bruce Melodie wongeye kugaragaza ko akunzwe n’abakunzi b’umuziki mu Karere ka Musanze babyinnye indirimbo ze ivumbi rigatumuka mu kibuga cy’ibyatsi cya stade Ubworoherane.

Bruce Melodie wahawe umwanya uhagije wo gutaramana n’abakunzi be yavuye ku rubyiniro saa moya z’ijoro zirengaho iminota mike igitaramo kiba kirangiriye aho.

Byitezwe ko tariki 7 Nzeri 2024 ibi bitaramo bizerekeza mu Karere ka Gicumbi aho bizaba bikomereza.

Stade Ubworoherane iherereye mu Karere ka Musanze niyo yakiriye igitaramo cya Iwacu Muzika Festival

Guhera saa sita z'amanywa abakunzi b'umuziki bari bageze kuri stade Ubworoherane

MTN Rwanda na Primus ya BRALIRWA nibo baterankunga b'iki gikorwa

Ni ibitaramo byitabirwa n'abiganjemo urubyiruko

Mbere yo kwinjira muri stade wasabwaga kwisukura intoki

MC Bianca niwe wayoboye iki gitaramo

Abahageze kare babanje kwikinga akazuba muri stade

MC Buryohe yafatanyije na MC Bianca kuyobora iki gitaramo

MC Bianca na MC Buryohe ubwo bafataga ifoto y'urwibutso mbere yo gutangira kuyobora iki gitaramo

Abafite impano zitandukanye i Musanze babanje kuzimurika

Kenny Sol wari ufite umubyinnyi n'umushyushyarugamba ku rubyiniro niwe wabimburiye abandi

Kenny Sol yashimishije abakunzi b'umuziki we mu ndirimbo zitandukanye

Umutoniwase Nadia uzwi muri filime 'Umuturanyi' yifuzaga gutaha ifoto y'urwbutso

Abakunzi b'umuziki bishimiye Kenny Sol

Buri wese aba yifuza gutaha ifoto y'urwibutso

Bwiza yahingutse ku rubyiniro nk'umucuruzi wa serivise za MTN

Munsi y'umutaka nk'utanga serivise za MTN niko Bwiza yatangiye ku rubyiniro

Clapton Kibonge nawe yari yitabiriye iki gitaramo

Bwiza yishimiwe bikomeye n'abitabiriye iki gitaramo

Primus yari yakemuye ikibazo cy'icyaka ku barengeje imyaka 18 y'ubukure

Bwiza yatanze ibyishimo i Musanze

Abakunzi b'umuziki i Musanze bishimiye bikomeye Bwiza

Ubwo Ndimbati yari ahuye n'umugore wa Danny Vumbi

Ubwo Bushali yari ageze ku rubyiniro

Bushali azwiho gukoresha imbaraga nyinshi ku rubyiniro

Mu ndirimbo ze zakunzwe, Bushali yatanze ibyishimo ku bakunzi be bari bakoraniye muri stade Ubworoherane

Alain Numa wo muri MTN Rwanda yafatanye ifoto n'aba MC bayoboye iki gitaramo

Danny Nanone mbere yo kujya ku rubyiniro

Danny Nanone yahingutse ku rubyiniro mu isura ya gisirikare

Danny Nanone yataramiye abakunzi be kuva ku ndirimbo zo ha mbere kugeza ku zigezweho uyu munsi

Ni uku Chriss Eazy yaserutse ku rubyiniro rw'i Musanze

Mu ndirimbo ze zigezweho, Chriss Eazy yatanze ibyishimo i Musanze

Chriss Eazy yasusurukije abakunzi be afatanyije n'ababyinnyi yari yitwaje

Chriss Eazy nawe yanyuzagamo agacinyana akadiho n'ababyinnyi be

Ubwo Bruce Melodie yari ahingutse ku rubyiniro

Bruce Melodie ni uku yaserutse mu gitaramo yakoreye mu Karere ka Musanze

Bruce Melodie yagize umwanya uhagije wo gutaramana n'abakunzi be

Bruce Melodie yaririmbiye abakunzi be b'i Musanze nyinshi mu ndirimbo ze zakunzwe

Byageze aho Bruce Melodie yikuramo ishati asigarana isengeri

Si kenshi Bruce Melodie ajya ku rubyiniro ari kumwe n'ababyinnyi, kuri iyi nshuro yari yabitwaje

Amafoto: Kwizera Remy Moses