Ni ibitaramo byatangiriye mu Karere ka Musanze, bikomereza i Huye na Nyabihu, bisorezwa i Nyagatare ku wa 7 Ukuboza 2024.

Nyuma y’ibi bitaramo bigamije kumenyekanisha ibihembo bya ‘Isango na Muzika Awards’ mu Ntara zitandukanye, hazatangazwa abahatana kugira ngo hazatoranywemo abahiga abandi bahabwe ibihembo byabo.

Ikigo cy’itangazamakuru cya Isango Star kigiye gutanga ku nshuro ya gatanu ibihembo bya IMA Awards (Isango na Muzika Awards) bigenerwa abahize abandi mu myidagaduro.

Ibi bihembo bigamije gushimira abahanzi ndetse n’abari mu ruganda rw’imyidagaduro, bizatangwa tariki 22 Ukuboza 2024 muri Kigali Convention Centre.

Kuva mu 2023 ibi bihembo bibanzirizwa n’ibitaramo bibera hirya no hino mu gihugu bizwi nka ’Isango na Muzika Awards Tour’.

Abahanzi bahatanira ibi bihembo ndetse n’abazitabira ibitaramo bya Isango na Muzika Awards Tour, bazatangazwa mu minsi iri imbere.

Ibi bihembo bitegurwa na Isango Star binyuze mu kiganiro “Isango na Muzika” kimaze imyaka irenga 10 giteza imbere abahanzi.

Ikinyobwa cya Maltona cyari cyegerejwe abanyeshuri b'i Nyagatare

Abitabiriye iki gitaramo batashye bashize inyota kubera Maltona

RBC yari yatwaye imodoka yayo i Nyagatare mu rwego rwo korohereza abifuzaga gutanga amaraso

Hari abahise batanga amaraso

Inkumi za Kigali Protocol nizo zafashaga abitabiriye iki gitaramo

Kenny Edwin ni umwe mu bahanzi bakizamuka bahawe amahirwe na Isango Star bazengurukana muri ibi bitaramo

Kenny Edwin yari yaserukanye n'itsinda ryamubyiniraga

Abakunzi b'umuziki bari banyotewe kubona abahanzi bihebeye

Bwiza yanyuzagamo agaha umwanya abafana bakabyinana

Bwiza yatanze ibyishimo ku banyeshuri biga muri Kaminuza y'u Rwanda ishami rya Nygatare

Bwiza yahaga umwanya abakunzi be bakaririmbana nyinshi mu ndirimbo ze

Bwiza yabyinanye n'abakunzi be b'i Nyagatare

Ubwo Bushali yazamukaga ku rubyiniro

Bushali yeretswe urukundo rwinshi n'abakunzi be b'i Nyagatare

Bushali ataramana n'abakunzi be mu gitaramo cyabereye mu cyumba cy'imyidagaduro cya kaminuza

Byari ibyishimo ku bakunzi ba Bushali bari bamwiboneye imbonankubone

Bushali yafatanye ifoto y'urwibutso n'abakunzi be b'i Nyagatare