00:00:00 IGIHE NETWORK KN KINYARWANDA EN ENGLISH FR FRANCAIS

Ibiganiro bigeze aharyoshye hagati ya Jules Sentore na Nox Studio iri mu zikomeye muri Suède

Yanditswe na Nsengiyumva Emmy
Kuya 5 May 2022 saa 06:18
Yasuwe :

Ibiganiro birarimbanyije hagati ya Jules Sentore na Nox Studio iri mu zikomeye ku Isi ikorera muri Suède, igihugu uyu muhanzi amazemo iminsi ndetse anitegura kuvamo akoreyeyo indirimbo.

Jules Sentore uherutse guhaguruka mu Rwanda yitabiriye igitaramo yakorewe mu Mujyi wa Stockholm, nyuma yo kuhataramira yagize amahirwe yo gutembera muri uyu Mujyi agira n’amahirwe yo gusura imwe muri studio zihabarizwa zikomeye.

Iyi studio yitwa ‘Nox studios’ yakorewemo n’abahanzi bakomeye ku Isi nka Elton John, Will Smith, Steve Wonder, BB King n’abandi.

Mu kiganiro na IGIHE, Jules Sentore yavuze ko yagize amahirwe yo kwinjira muri iyi studio ikomeye ndetse abasha kugirana ibiganiro n’abayobozi bayo ku buryo ashobora kuvayo ahakoreye indirimbo.

Ati "Ndashimira Ambasade yamfashije, nabashije gusura iyi studio ndetse ibiganiro bigeze aheza biganisha ku gukorana nabo indirimbo."

Jules Sentore avuga ko yatunguwe n’ubwiza bw’iyi studio, ati "Ni studio irimo ibikoresho biri ku rwego rwo hejuru, ibaze niba ifite ibyumba bitandatu kandi buri kimwe cyuzuyemo ibikoresho biri ku rwego rwo hejuru, nawe wakwibaza ubwiza bwayo."

Jules Sentore avuga ko bigenze uko abyifuza nta kabuza iyi ndirimbo yazayishyira hanze mu minsi iri mbere.

Jules Sentore yatunguwe n'ibyuma biri muri studio yasuye muri Suède
Ibiganiro bigeze aharyoshye hagati ya Jules Sentore na Nox Studio iri mu zikomeye muri Suède
Jules Sentore ari gutembera Umujyi wa stockholm muri Suède
Uyu muhanzi yavuze ko bigenze neza yava muri Suède afite indirimbo azakorera muri Nox Studio

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .