Humura Deborah, mubyara wa Mani Martin yinjiranye mu muziki umwihariko

Yanditswe na Nsengiyumva Emmy
Kuya 20 Werurwe 2020 saa 05:34
Yasuwe :
0 0

Mubyara wa Mani Martin witwa Humura Deborah yashyize hanze indirimbo ye ya mbere, yinjiye mu muziki afite umwihariko wo kwicurangira guitar.

Ubusanzwe uyu mukobwa yitwa Deborah Humura, yavukiye mu Mujyi wa Kigali ahazwi nka Kimisagara. Ni umuririmbyi akaba umwanditsi ndetse agacuranga na Guitar Acoustic. Ni umwana wa gatandatu mu muryango w’abana umunani. Amashuri yisumbuye yayize muri Apace.

Yavutse ku babyeyi bakunda muzika, baririmba banacuranga muri korali mu rusengero bituma akura akunda umuziki mu buryo bukomeye ndetse yifuza kuwukora nk’umwuga.

Ngo mu mabyiruka ye yumvaga ashaka gukora ibijyanye n’ubukerarugendo kuko ari nabyo yize mu mashuri yisumbuye ariko umuziki wakomeje kuganza muri we ndetse yiyemeza kuwukora asoje amasomo.

Ati “Nakuze nkunda ubukerarugendo ni nabwo nize mu mashuri yisumbuye ariko umuziki wakomeje kuba mwinshi muri njye kurusha ibindi bintu byose mpitamo kuba ariwo nkurikira.”

Yemeze ko ‘Intego yanjye ni ugukora umuziki ufasha abantu kwishima ndetse ukagira impinduka nziza ku buzima. Nkusa ikivi cy’abandi bambanjirije’.

Aherutse gushyira hanze indirimbo yise ‘Kibe’ avuga ko ariyo ya mbere muri uyu mwaka wa 2020 ariko afite n’indi yari yarakoze mbere yise ‘Umunyenga’.

Ni indirimbo y’urukundo, ivuga ku mukobwa wavuye mu muryango we w’abakirisitu gatolika agasanga umusore yihebeye w’umuyisilamu bakarenga iby’amadini bakabana mu buzima bucirititse nyamara umusore akamutana n’umwana babyaranye akurikiye undi mugore ufite amafaranga.

Mu bahanzi uyu mukobwa afatiraho urugero harimo Angelique Kidjo na Dobet Gnahore. Hano mu Rwanda bakaba Mani Martin, Nirere Shanel na Bill Ruzima. Kuko ngo "abo nibo mbona bakora byinshi mu buryo nanjye nakifuza kubikoramo".

Humura usanzwe ari mubyara wa Mani Martin kuri ubu ni we umufasha mu buzima bwa muzika.

Iyi ndirimbo yise ‘Kibe’ yakozwe bigizwemo uruhare na Clement ucuranga guitar usanzwe aba no muri Kesho Band icurangira Mani Martin na Gerard Kingsely wakoze amashusho.

Reba indirimbo ya mbere ya Humura Deborah

Ikiganiro kirambuye na Humura Deborah umukobwa w’umuhanga mu gucuranga guitar

Humura Deborah mubyara wa Mani Martin akaba umuhanga mu gucuranga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza