Humble Jizzo n’umuryango we bagiye gutemberera muri Cambodia na Thailand

Yanditswe na Nsengiyumva Emmy
Kuya 6 Ukuboza 2019 saa 08:09
Yasuwe :
0 0

Humble Jizzo n’umuryango we bamaze iminsi muri Cambodia aho bazava berekeza muri Thailand mbere y’uko uyu muhanzi agaruka i Kigali mu minsi mike iri imbere.

Humble Jizzo amaze hafi icyumweru abarizwa muri Cambodia aho yagiye muri gahunda z’ubutembere kuva ku wa Gatandatu tariki 30 Ugushyingo 2019.

Uyu muhanzi yabwiye IGIHE ko yagiye gutembera ariko umugore we ari no muri gahunda z’akazi.

Yagize ati ”Nagiye gutembera n’umuryango wanjye, umufasha we ari mu kazi hano twafatiranye akanya yari abonye ko gukorera inaha twemeza ko twatembera nk’umuryango.”

Amy Blauman umufasha wa Humble Jizzo ari mu nama mpuzamahanga ya gahunda yo kugaburira abana ku mashuri yitabiriye nk’umwe mu bahagarariye ‘WFP Rwanda’ umushinga asanzwe akorera ndetse akaba yarajyanye n’abandi bayobozi bafite aho bahuriye n’iyi gahunda.

Nyuma yo kuva muri iyi nama Amy Blauman, Humble Jizzo n’umwana wabo bazahita berekeza muri Thailand aho bazaba bagiye gutembera mbere y’uko bagaruka i Kigali mu mpera z’icyumweru gitaha.

Abajijwe impamvu yo gukomereza muri Thailand, Humble Jizzo yavuze ko harimo gutembera no gukomeza gushakisha uko yabona ibikoresho bigezweho bya Studio ya Urban Boys.

Ati ”Njye n’umwana turi mu butembere, umufasha wanjye ni we uri mu rugendo rw’akazi. Inama nirangira tugomba guhita twerekeza muri Thailand aho dufite iminsi dusura ahantu hanyuranye. Njye by’umwihariko ndashaka kuva hano ngize ibintu mpaha bijyanye na studio yacu.”

Tariki 14 Gashyantare 2017 ku munsi w’abakundana, Humble yatunguye Blauman amwambika impeta y’urukundo amusaba ko bazabana akaramata, undi ntiyazuyaza arabyemera.

Ubu bafitanye umwana w’umukobwa witwa Ariela Manzi wavukiye muri Confluence Health Hospital muri Leta Zunze Ubumwe za Amerika mu Mujyi wa Wenatchee muri Leta ya Washington, ku wa 23 Mutarama 2018.

Ku wa 24 Ugushyingo 2018 nibwo Humble Jizzo na Blauman basezeranye kubana akaramata mu birori byahawe umugisha na Pasiteri Ndahiro Rogers Rukundo wo muri Kigali City Church.

Mu minsi ishize baherutse gutemberera i Rubavu aho bizihirije isabukuru y’umwaka bakoze ubukwe bwabereye n’ubundi muri aka karere ku nkengero neza z’Ikiyaga cya Kivu.

Reba indirimbo "Ntukoreho" imwe mu zo Urban Boys iheruka gusohora

Humble Jizzo n'umuryango we baherutse i Rubavu aho bizihirije isabukuru y'umwaka bamaze bakoze ubukwe
Humble Jizzo n'umuryango we berekeje muri Cambodia

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza