00:00:00 IGIHE NETWORK KN KINYARWANDA EN ENGLISH FR FRANCAIS

Hibutswe abakinnyi n’abahanzi bazize Jenoside yakorewe Abatutsi (Amafoto)

Yanditswe na Nsengiyumva Emmy
Kuya 6 May 2022 saa 12:00
Yasuwe :

Abayobozi, abakozi n’abandi bafite bahuriye na Minisiteri ya Siporo (Minisports) ndetse na Minisiteri y’Urubyiruko n’Umuco bari kumwe n’abahanzi ndetse n’abakinnyi mu mikino itandukanye, bibutse abari abakozi n’abayobozi ba Mijeuma, abakinnyi ndetse n’abahanzi bishwe muri Jenoside yakorewe Abatutsi mu 1994.

Ni igikorwa cyabaye ku wa Kane tariki ya 5 Gicurasi 2022 kibera ku Rwibutso rwa Jenoside yakorewe Abatutsi rwa Kigali ruri ku Gisozi.

Cyahuje abakozi ba Minisiteri ya Siporo ifatanyije na Minisiteri y’Urubyiruko n’Umuco na Komite Olempike y’u Rwanda (RNOSC), ndetse n’Inama Nkuru y’Abahanzi (RAC). Ni igikorwa cyabimburiwe no gushyira indabyo ku mva zishyinguyemo imibiri y’abazize Jenoside yakorewe Abatutsi mu 1994.

Nyuma y’iki gikorwa abari bitabiriye bose bahuriye mu ihema rinini ryubatse ku Rwibutso rwa Jenoside yakorewe Abatutsi rwa Kigali ahatangiwe ibiganiro bitandukanye.

Minisitiri w’Urubyiruko n’Umuco, Rosemary Mbabazi na Minisitiri wa Siporo, Munyangaju Aurore Mimosa bifatanyije n’abakozi, abahanzi n’abakinnyi batandukanye gucana urumuri rw’icyizere nk’ikimenyetso cy’uko bazahora bazirikana bagenzi babo bazize Jenoside yakorewe Abatutsi.

Abahanzi n’abakinnyi batandukanye bibutse bamwe mu bari abakozi ba MIJEUMA, abahanzi, abakinnyi n’abatezaga imbere urubyiruko, siporo n’umuco bagenzi babo babavuga mu mazina, nk’ikimenyetso cy’uko batazazima.

Minisitiri Mbabazi yavuze ko hari abakozi muri MIJEUMA bagize uruhare muri Jenoside yakorewe abatutsi mu 1994, ndetse muri bo bishe bagenzi babo bakoranaga.

Avuga ko MIJEUMA yagize uruhare mu ngengabitekerezo ya Jenoside kuko banateye inkunga abashakaga kwica Abatutsi babafasha muri byose ndetse banifashishije ubuhanzi.

Minisitiri Mbabazi yaboneyeho kandi gukangurira urubyiruko rwari aho kurwanya ingengabitekerezo ya Jenoside no gufatanya mu guhashya abakiyihembera ndetse n’abapfobya Jenoside yakorewe Abatutsi.

Ati “Muri MIJEUMA hari abakozi bagize uruhare muri Jenoside yakorewe Abatutsi mu 1994, kandi abenshi bari urubyiruko. Mboneyeho umwanya wo kwibutsa urubyiruko, abahanzi, abakinnyi ko ari mwe Rwanda rw’ejo hazaza. Mu byo mukora byose mukangurire abantu kurwanya Jenoside n’ingengabitekerezo yayo mubinyuza mu ndirimbo zanyu, muri filime mukina cyangwa mu mivugo."

Mu ijambo rye, Minisitiri wa Siporo Munyangaju Aurore Mimosa yibukije abagize uru rwego rugizwe ahanini n’urubyiruko ko bafite inshingano zo mu guhangana n’abahakana ndetse n’abapfobya amateka ya Jenoside yakorewe Abatutsi mu 1994.

Ati “Ndongera gushimangira ko dufite inshingano zo guhangana n’abapfobya amateka ya Jenoside, abahanzi n’abandi mufite uburyo bwo guhangana n’abahakana ndetse n’abapfobya Jenoside yakorewe Abatutsi, ni inshingano zacu twese kugaragaza ukuri no kugaragaza ibyiza u Rwanda rumaze kugeraho tubikesha politiki nziza yubakiye ku bumwe bw’Abanyarwanda.”

Kimwe na mugenzi we wabanje, Minisitiri Munyangaju yaboneyeho umwanya wo kwihanganisha imiryango y’abari abakozi ba MIJEUMA hamwe n’abafatanyabikorwa bayo bishwe bazize Jenoside yakorewe Abatutsi, abizeza ko u Rwanda rw’ubu ari igihugu cyiza kandi kizakomeza kubaba hafi.

Urubyiruko rwari rwitabiriye iki gikorwa ari rwinshi
Aba Minisitiri muri Minisiteri y'Urubyiruko n'Umuco na MINISPORTS bafatanyije n'abandi bayobozi bagize umwanya wo gushyira indabo ku mva zishyingiyemo Abatutsi bazize Jenoside
Abari bitabiriye uyu muhango bose bagize umwanya wo kunamira inzirakarengane z'Abatutsi zishyinguye mu Rwibutso rwa Jenoside rwa Kigali
Ba Minisitiri muri Minisiteri y'Urubyiruko n'Umuco na MINISPORTS bafatanya gucana urumuri rw'icyizere
Mariya Yohana acanira urubyiruko urumuri rw'icyizere
Umuhanzi King James yifatanyije n'urundi rubyiruko muri iki gikorwa cyo kwibuka abahoze ari abakozi ba MIJEUMA bazize Jenoside yakorewe Abatutsi
Minisitiri Mbabazi yasabye Urubyiruko kwita ku guhangana n'abapfobya Jenoside yakorewe Abatutsi
Mariya Yohana mu ndirimbo zo Kwibuka, yifatanyije n'abitabiriye uyu muhango
Christopher yari mu bahanzi baje kwifatanya n'urundi rubyiruko muri iki gikorwa
Tuyisenge Jacques na Nshuti Dominique Xavio bari mu bakinnyi bitabiriye iki gikorwa
Andy Bumuntu yumva impanuro n'ibiganiro byatangiwe muri iki gikorwa
Urubyiruko rwari rwitabiriye ari rwinshi
Ni igikorwa cyitabiriye n'abayobozi batandukanye barimo ba Minisitiri muri Minisiteri y'Urubyiurko n'Umuco na MINISPORTS
Kapiteni w'Ikipe y'Igihugu Haruna Niyonzima n'umunyamakuru wa B&B FM Umwezi Imfurayacu Jean Luc mu bari baje kwifatanya n'abandi muri iki gikorwa
Nemeye Platini na Ishimwe Clement uhagarariye KINA Music bifatanyije n'abandi gikorwa cyo kwibuka abahoze ari abakozi ba MIJEUMA bazize Jenoside yakorewe Abatutsi
Christopher yagize umwanya wo kwibuka abahoze ari abakozi ba MIJEUMA n'abafatanyabikorwa bayo bazize Jenoside yakorewe Abatutsi
Buri wese yari ateze amatwi ibiganiro byatangiwe muri iki gikorwa
Basoma amazina ijana, urubyiruko rwiganjemo ibyamamare bibutse abari abakozi MIJEUMA n'abafatanyabikorwa bayo bazize Jenoside yakorewe Abatutsi
Igor Mabano yari mu bahanzi basomye amazina y'abo yibuka ndetse anagenera ubutumwa abitabiriye iki gikorwa
Dusenge Clenia uzwi nka Madederi yari mu bitabiriye iki gikorwa
King James yitabiriye igikorwa cyo kwibuka abahoze ari abakozi ba MIJEUMA n'abafatanyabikorwa bayo bazize Jenoside yakorewe Abatutsi
Kirenga Saphine asoma ubutumwa yageneye abitabiriye iki gikorwa
Aline Intayoberana yari mu bahanzi basomye amazina ijana y'abakozi ba MIJEUMA n'abafatanyabikorwa bazize Jenoside yakorewe Abatutsi
Bamenya uzwi muri sinema nyarwanda yari mu bitabiriye iki gikorwa
Andy Bumuntu asoma ubutumwa yageneye abari bitabiriye iki gikorwa
Nemeye Platini asoma amazina y'abo yibuka mu bari abakozi ba MIJEUMA n'abafatanyabikorwa bazize Jenoside yakorewe Abatutsi
Tuyisenge Jacques yifatanyije n'urundi rubyiruko mu Kwibuka abahoze ari abakozi ba MIJEUMA n'abafatanyabikorwa bayo bazize Jenoside yakorewe Abatutsi
Nshuti Dominique Xavio asoma amazina y'abahoze ari abakozi ba MIJEUMA n'abafatanyabikorwa bayo bazize Jenoside yakorewe Abatutsi
Mani Martin ari mu rubyiruko rwibutse abahoze ari abakozi ba MIJEUMA Jenoside yakorewe Abatutsi
Kirenga Saphine yari mu rubyiruko rwibutse abahoze ari abakozi n'abafatanyabikorwa ba MIJEUMA bazize Jenoside yakorewe Abatutsi
Munyanshoza Dieudonne yifashishije ibihangano bye byo Kwibuka, yifatanyije n'urubyiruko rwibutse abahoze ari abakozi n'abafatanyabikorwa ba MIJEUMA bazize Jenoside yakorewe Abatutsi
Minisitiri Munyangaju Aurore Mimosa yasabye urubyiruko kwirinda ababashora mu ngengabitekerezo ya Jenoside bagafatanyiriza hamwe mu kuyihashya

Amafoto: Nezerwa Salomon


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .