Kuri ubu inkuru igezweho n’iy’uyu mukobwa uzwi ku mbuga nkoranyambaga nka Lilly, watangaje ko yihebeye umukinnyi Kwizera Janvier.

Ni umukobwa w’ikimero kigaragara uba muri Finland, umaze iminsi avugwa mu rukundo n’abakinnyi ba ruhago.

Babinyujije ku mbuga nkoranyambaga muri iyi minsi Lilly ndetse na Kwizera Janvier benshi bita Rihungu, bamaze iminsi baca amarenga y’urukundo rwabo rwakajije umurego mu mpera z’umwaka ushize.

Ni urukundo rwahamijwe n’uyu mukobwa wasangije abamukurikira ifoto y’uyu mukinnyi urinda izamu rya Police FC, ashyiraho akamenyetso k’umutima ubusanzwe kifashishwa n’abakundana.

Ni ifoto yakiranywe yombi n’abamukurikira bahise batangira kubifuriza kuryoherwa n’urugendo rw’urukundo batangiranye.

Iyi foto yakurikiwe n’amashusho aba bombi bakunze gusangiza amashusho bari gusangira umunezero w’urukundo.

Uyu mukobwa ageze kuri Rihungu mu gihe mu minsi ishize yasangije abamukurikira amashusho ari gusomana na Rwatubyaye Abdoul, Kapiteni wa Rayon Sports FC.

Ni amashusho yavugishije abatari bake cyane ko yagiye hanze mu gihe inkuru z’uko uyu mukobwa yaba yaragize uruhare mu gusenyera Karera Hassan zari zitarasaza mu mitwe ya benshi.

Mbere y’aho, Lilly yasohoye amashusho ari mu bihe byiza na Karera ku munsi mukuru w’amavuko w’uyu mukinnyi wakiniye amakipe nka APR FC na Kiyovu Sports.

Nyuma y’uko ayo mashusho agiye hanze, byababaje cyane uwari umugore wa Karera, atangaza ko batandukanye.

Umugore wa Karera yateranye amagambo na Lilly amushinja kumutwarira umugabo mu gihe undi yavugaga ko nta ruhare abifitemo.

Uyu mukobwa amaze iminsi yarigaruriye imitima y'abasore b'abanyarwanda by'umwihariko abo muri ruhago

Lilly ni umwe mu banyarwandakazi batuye muri Finland

Lilly yabanje kukanyuzaho na Karera Hassan ndetse nyuma y'iminsi mike ashinjwa kumusenyera

Karera wavuye muri APR FC asanze umugore i Burayi, byavuzwe ko yasenyewe na Lilly nubwo we yabihakanye agashinja umugore w'uyu mukinnyi amatiku

Rwatubyaye na Lilly bigeze kuvugwa mu rukundo nubwo inkuru zabo zitatinze mu itangazamakuru

Rwatubyaye nawe yavuzwe mu rukundo n'iyi nkumi ikomeje kwiyegereza abakinnyi banyuranye

Rihungu na Lilly basangira bombo

Muri iyi minsi Lilly awubanye na Rihungu basigaye bagaragara basangira ubuzima

Rihungu uri mu munyenga w'urukundo na Lilly asanzwe ari umukinnyi wa Police FC

Nubwo ahagaze neza mu rukundo Rihungu ntiyorohewe mu izamu rya Police FC kuko ahanganiye umwanya na Mvuyekure Emery na Habarurema Gahungu