00:00:00 IGIHE NETWORK KN KINYARWANDA EN ENGLISH FR FRANCAIS

Hashinzwe umuryango witiriwe Yvan Buravan uzusa ikivi yasize unarwanye kanseri yamutwaye

Yanditswe na Nsengiyumva Emmy
Kuya 5 Ukuboza 2022 saa 10:54
Yasuwe :

Umuryango wa Yvan Buravan hamwe n’inshuti ze bashyize hamwe imbaraga batangiza umuryango bise ‘YB Foundation’ ufite inshingano zo kusa ikivi yasize atarangije no gukora ubukangurambaga ku ndwara ya kanseri yamwishe.

Ku mugoroba wo ku Cyumweru tariki 4 Ukuboza 2022 nibwo abo mu muryango wa Yvan Buravan bahuriye ahitwa ‘Atelier du vin’ n’inshuti ze, baganira ku muryango ‘YB Foundation’.

Wari umugoroba wo kunoza bwa nyuma ibijyanye n’uyu muryango, wanahise umurikwa ku mugaragaro ndetse hamurikwa n’ikirango cyawo.

‘YB Foundation’ ifite inshingano yo kusa ikivi Yvan Buravan yasize cyo gufasha mu kwigisha no gukundisha abakiri bato umuco nyarwanda binyuze mu mbyino n’indirimbo, ‘Twande Spirit’.

Ni umushinga yari yaratangije ndetse uri no mu yahembwe na ‘Imbuto Foundation’ binyuze muri Minisiteri y’Urubyiruko n’Umuco.

Ikindi biyemeje gukora ni ubukangurambaga kuri kanseri ikomeje gukwirakwira mu bantu benshi kandi mu gihe gito, iyi ikaba ari nayo yishe uyu muhanzi.

Ciney Aisha wari muri uyu muhango yabwiye IGIHE ati “Hari ikipe yari isanzwe ikorana na Yvan Buravan tuzakorana mu kureba uko twahita dutangira ibikorwa, ibyo tudashoboye tugiye gutangira kubishakira abaterankunga ku buryo mu minsi ya vuba ibikorwa biba bitangiye.”

Yvan Buravan yitabye Imana ku wa 17 Kanama 2022 aguye mu bitaro byo mu Buhinde aho yari yaragiye kwivuriza kanseri.

Ikirango cya YB Foundation, umuryango witiriwe Yvan Buravan
Urupfu rwa Yvan Buravan rwashegeshe benshi ku buryo na n'ubu hari abariyumvisha ko atakiri ku Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .