00:00:00 IGIHE NETWORK KN KINYARWANDA EN ENGLISH FR FRANCAIS

Harmonize yateye umugongo Umunyarwandakazi yerekana umukunzi we mushya

Yanditswe na Nsengiyumva Emmy
Kuya 5 Mutarama 2023 saa 10:50
Yasuwe :

Nyuma y’iminsi hasakaye amakuru y’uko hari Umunyarwandakazi wamaze kwigarurira umutima wa Harmonize, amakuru mashya ahari ahamya ko uyu muhanzi ari gukundana n’umuhanzikazi, Feza Kessy wo muri Tanzania, aho kuba uyu mukobwa ukomoka mu Rwagasabo nk’uko byari byavuzwe.

Mu minsi ishize nibwo hasakaye inkuru z’uko uyu muhanzi yaba asigaye akundana n’Umunyarwandakazi Munezero Rosine benshi bazi nka Dabijou, icyo gihe hakaba haragiye hanze amashusho bari gusangirira ubuzima ku mucanga wo muri Tanzania.

Abinyujije ku mbuga nkoranyambaga, Harmonize yatunguye benshi agaragaza ko yihebeye umuhanzikazi wo muri Tanzania, Feza Kessy.

Harmonize yasangije abamukurikira amafoto ari kumwe n’uyu mukobwa agaragaza ko ari we yihebeye muri iyi minsi.

Feza Kessy w’imyaka 33 wamaze gutangazwa nk’umukunzi mushya wa Harmonize, yamenyekanye cyane mu 2013 ubwo yitabiraga bwa mbere Big Brother Africa yabaga ku nshuro ya munani ahagarariye Tanzania.

Mu 2005 nibwo bwa mbere yatangiye kuvugwa mu itangazamakuru nyuma yo kwitabira amarushanwa y’ubwiza akegukana ikamba rya Miss Dar City Centre na Miss Llala.

Uyu ariko kandi ku myaka 17 yahise anitabira Miss Tanzania aho yegukanye ikamba ry’Igisonga cya Nyampinga.

Mu 2013 nibwo Feza yinjiye mu muziki asohora indirimbo zirimo ‘Amani ya moyo’ na ‘My papa’ zamenyekanye cyane bituma aba ikimenyabose muri Tanzania.

Mu 2021 izina Feza ryongeye gukomozwaho mu itangazamakuru nyuma y’uko asinyishijwe na D’Banj uzajya umufasha mu muziki abinyujije muri sosiyete ye ya DB Records.

Hari hamaze iminsi hasohotse amakuru y'uko Harmonize yaba ari gukundana n'uyu Munyarwandakazi
Harmonize yateye uwinyuma Dabijou bari bamaze iminsi bameranye neza, yerekana umukunzi we mushya
Nubwo nta mafoto bafatanye hari ibimenyetso byagaragazaga ko Harmonize na Dabijou bari kumwe ku mucanga wa Tanganyika
Ibimenyetso byagaragaje ko Harmonize na Dabijou bari bamaze iminsi bameranye neza
Mu Ukuboza 2022 nibwo hamenyekanye amakuru y'uko Dabijou na Harmonize bahuriye ku mucanga basangira ubuzima
Harmonize yasohoye amafoto ari kumwe n'umukunzi we mushya
Feza ni umuhanzikazi uherutse gusinyishwa na D'Banj
Feza winjiye mu mubare w'inkumi zakundanye na Harmonize ni umwe mu bakobwa bazwi cyane i Dar es Salam
Birangiye Feza atangajwe nk'umusimbura wa Kajala wahoze akundana na Harmonize
Harmonize niwe wasangije abamukurikira amafoto ari gusangira ubuzima na Feza Kessy

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .