00:00:00 IGIHE NETWORK KN KINYARWANDA EN ENGLISH FR FRANCAIS

Harmonize yanyuzwe n’ubuhanga bwa Element uri kumukorera indirimbo

Yanditswe na Nsengiyumva Emmy
Kuya 23 Mutarama 2023 saa 09:49
Yasuwe :

Nyuma y’amasaha make ageze mu Rwanda, Harmonize yanze kwicara ubusa yerekeza muri Studio ya 1:55AM aho ari gukorana na Producer Element uri mu bafite izina rikomeye mu Rwanda.

Amakuru IGIHE ni uko hari imishinga y’indirimbo Harmonize ari gukorera mu Rwanda, ko ubwo yateguraga urugendo rwe i Kigali gukora indirimbo bitari mu mibare yari afite.

Icyakora ku rundi ruhande yaje kumenya amakuru ko 1:55AM Ltd yamaze gusinyisha Element ahita asaba ko hari imishinga bazakorana mu gihe azamara i Kigali.

Ubu busabe ngo bwatewe n’uburyo Harmonize akunda bikomeye impano ya Element.

Mu ijoro ryo ku wa 22 Mutarama rishyira ku wa 23 Mutarama 2023 bahuriye muri studio bakorana indirimbo.

Mu mashusho yasangije abamukurikira ku mbuga nkoranyambaga, Harmonize yagaragaye yishimanye na Element aho yananyuzagamo akavuga ko ‘Element afite impano’.

Muri Studio yahuriyemo na Ariel Wayz hamwe na Kenny Sol, biyongeraga kuri Bruce Melodie uri gukorana na Harmonize indi ndirimbo nyuma y’uko ebyiri bakoranye batanyuzwe n’umusaruro zatanze.

Uwo twaganiriye uri hafi y’uyu muhanzi yagize ati “Harmonize ni umukozi, Bruce Melodie nawe ni uko, ntabwo bahura ngo birangire batagiye muri studio. Ubushize bakoranye na Madebeats, kuri ubu reka turebe ko nibakorana na Element hari icyo bihindura.”

Uretse iyi ndirimbo Harmonize ari gukorana na Bruce Melodie, andi makuru avuga ko hari n’izindi azava mu Rwanda akoranye na Producer Element.

Indirimbo ebyiri zose Bruce Melodie yakoranye na Harmonize umusaruro wazo wabaye nkene

Element ari gukorera indirimbo Harmonize washimye impano ye
Harmonize yanyuzwe n'ubuhanga bwa Element yifuza gukorana nawe indirimbo, kuri ubu iya mbere yatangiye gukorwa
Bruce Melodie aririmba mu ndirimbo byitezwe ko azahuriramo na Harmonize
Ku rundi ruhande ariko Harmonize yanashimye ubuhanga bwa Ariel Wayz bahuriye muri studio

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .