00:00:00 IGIHE NETWORK KN KINYARWANDA EN ENGLISH FR FRANCAIS

Harmonize yahaye akazi uwahoze ari umukunzi we

Yanditswe na Uwiduhaye Theos
Kuya 8 June 2022 saa 07:23
Yasuwe :

Umuririmbyi w’Umunya-Tanzania, Rajab Abdul Kahali, wamenyekanye nka Harmonize yahaye akazi umukinnyi wa filime Kajala Frida, bahoze bakundana.

Kajala yahawe akazi muri Konde Gang ifasha abahanzi, Harmonize aherutse gutangiza.

Frida Kajala yagizwe Umuyobozi ushinzwe ibikorwa bya Konde Gang. Ibi bibaye nyuma y’aho Harmonize aguriye imodoka yo mu bwoko bwa Range Rover uyu mugore cyane ko ashaka ko bongera gusubirana, nubwo Kajala we avuga ko bigoye kongera gusubirana n’uyu muhanzi.

Kajala nyuma yo kuba umuyobozi wa Konde Gang, azaba ari umujyanama wa Harmonize mu muziki.

Mu 2020 nibwo Harmonize w’imyaka 32 yakundanye na Kajala w’imyaka 40, nyuma yo gutandukana na Sarah Michellotti bakundanaga.

Urukundo rw’aba bombi rwaje kuzamo ibibazo ubwo uyu mugore yamenyaga ko Harmonize atangiye gutereta umukobwa we w’imyaka 19 witwa Paula Kajala.

Byamenyekanye nyuma y’amafoto ya Harmonize yambaye ubusa yagiye hanze, byavugwaga ko ariwe wayoherereje Paula. Icyo gihe Paula yakundanaga na Rayvanny.

Ibi byakomanyije imitwe aba bahanzi bahoze muri label imwe ya Wasafi, aho Harmonize yavugaga ko mugenzi we ari we washyize aya mafoto hanze ndetse yashatse kumujyana mu nkiko.

Kuva mu minsi mike bitangiye kuvugwa ko Kajala yaba yongeye kunga ubumwe na Harmonize, umukobwa we Paula Kajala wiga muri Amerika yahisemo kureka gukurikira nyina kuri Instagram.

Umwana wa Kajala yagaragaje ko atashimishijwe n'umubano udasanzwe wongeye kuza hagati y'aba bombi
Harmonize yahaye akazi Frida Kajala bahoze bakundana
Aba bombi bakundanye mu minsi yashize baza gutandukana bitewe n'uko Harmonize yashatse gutereta umwana w'uyu mugore

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .