00:00:00 IGIHE NETWORK KN KINYARWANDA EN ENGLISH FR FRANCAIS

King James yashyize kuri youtube album ye nshya

Yanditswe na Nsengiyumva Emmy
Kuya 17 June 2022 saa 12:07
Yasuwe :

King James yashyize kuri youtube album ye ya karindwi yise ‘Ubushobozi’, iyi igizwe n’indirimbo 13, ikaba inariho indirimbo ‘inshuti magara’ yakoranye na Israel Mbonyi ndetse n’iyo yise ‘Pinene’ yakoranye na Bull Dogg.

Iyi album yamaze kugera kuri Youtube nyuma y’amezi atandatu ari kuyicururiza ku rubuga rwe ‘Zanatalent’ aho IGIHE ifite amakuru ko yayicurujemo arenga miliyoni 67 z’amafaranga y’u Rwanda.

Mu ndirimbo ‘inshuti magara’ yo kuramya no guhimbaza Imana, King James na Israel Mbonyi baba bagaruka ku rukundo Imana ikunda abantu.

Iyi ibaye indirimbo ya mbere Israel Mbonyi akoranye n’umuhanzi utari uwo muri Gospel, agahamya ko we nta kibazo abibonamo kuko n’ubundi ari ijambo ry’Imana baba baririmba.

Ati “Njye sinkunda gukomeza ibintu, King James ni umuhanzi mwiza ufite abakunzi benshi kandi indirimbo twakoranye igamije kuramya no guhimbaza Imana, ikibi ni uko twaba twaririmbanye ibintu bibi.”

Uretse iyi ndirimbo yakoranye na Israel Mbonyi, album nshya ya King James yiganjeho indirimbo z’urukundo zirimo izituje ndetse na nke zibyinitse.

Iyi album ariko ku rundi ruhande iriho indirimbo ‘Nzakuguma iruhande’ avuga ko ifite inkuru yihariye.

Ni indirimbo ibarwamo inkuru y’umuntu wamenyanye n’undi mu 1991, aza kwiyemeza gukundana mu 1993 icyakora mu 1994 baza kuburana.

Iyi nkuru ihamya ko nyuma aba bari baburanye baje guhura biyemeza kubana nubwo ubuzima butari bworoshye.

Mu kiganiro na King James twifuje kumenya byinshi ku nkuru mpamo y’ibyo aririmba, icyakora avuga ko ntacyo yayivugaho.

Ati “Ni inkuru ndende ariko igoye, sinibaza ko nayivugaho kuko ba nyirayo batarabimpera uburenganzira. Gusa nibamara kubumpa nzayivugaho.”

King James yahishuye ko kuri ubu ari gutunganya amashusho ya zimwe mu ndirimbo ziri kuri iyi album ye nshya, ndetse mu minsi mike azatangira gusohora izamaze kurangira.

King James asohoye album ye nyuma y'amezi atandatu ayicuruza ku rubuga rwe
Kuri album ye nshya hariho indirimbo 13 zirimo n'iyo yakoranye na Israel Mbonyi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .