Uyu mukobwa kimwe na bagenzi be berekanywe ku mugoroba wo kuri uyu wa 17 Kamena 2022 mu birori byabereye muri Onomo Hotel byitabirwa n’abantu banyuranye barimo n’ibyamamare.

Mu bafite amazina akomeye bitabiriye ibirori byo gufungura ku mugaragaro sosiyete ya Sage Music barimo Charly na Nina,Ziggy55,Olivis, Niyo Bosco, DJ Pius, Social Mula, Spax, Okkama, Ariel Wayz n’abandi benshi.

Uretse abitabiriye iki gikorwa batumiwe, hari Giramata Olga, Gihana ukora umuziki gakondo, n’umunya-Uganda Papa Cidy batangajwe nk’abahanzi batangiranye na sosiyete ‘Sage music’.

‘Sage Music’ ni sosiyete yashinzwe n’Abanya-Australia barimo uwitwa Nadia Abo Khadour na Jo Prait bavuze ko bahuje imbaraga mu gushora imari mu muziki wa Afurika, ikaba ifunguriye imiryango mu Rwanda.

Ubwo bafataga ijambo mu minota mike bahawe, yaba Jo Prait na Nadia Abo Khadour bavuze ko bifuza gufasha abahanzi yaba mu gukora ibihangano byiza biri no ku rwego mpuzamahanga ndetse no kubimenyekanisha yaba mu Rwanda no hanze yarwo.

Giramata umaze imyaka itanu atangiye urugendo rwe mu muziki, asinye amasezerano y’imyaka itatu muri Sage Music nyuma yo kubasha kwikorera indirimbo ze ebyiri.

Uyu ni umwe mu bakobwa biyamamarije guhagararira Intara y’Iburasirazuba mu irushanwa rya Miss Rwnada 2022, icyakora ntiyabona amahirwe yo kubona itike.

Uyu mukobwa wakoze indirimbo zirimo Slow na Esheke yabwiye IGIHE ko yishimiye kubona sosiyete bagiye gukorana mu gihe cy’imyaka itatu.

Yahamije ko amasezerano ye na Sage Music agiye kumufasha kwagura ubuhanzi bwe nyuma y’igihe agerageza kwirwanaho ariko bikamugora.

Kimwe mu byagoraga uyu mukobwa mu gukora umuziki, harimo n’ubushobozi ndetse no kumenya neza uko yamenyekanisha ibihangano bye yaba mu Rwnada ndetse no hanze yarwo.

Nadia Abo Khadour na Jo Prait bamaze iminsi mu Rwnada aho batekerezaga uko bashora imari mu rw’imisozi igihumbi, kimwe mu byo biyemeje kwinjiramo kikaba uruganda rw’umuziki.

Abahanzi barimo; Diplomate, Niyo Bosco,Spax na Sintex bitabiriye iki gikorwa

Ariel Wayz wari watumiwe muri ibi birori aramutsa Niyo Bosco

Nadia Abo Khadour afatana ifoto na Ziggy55 na DJ Pius bari bitabiriye igikorwa cyo kumurika Sage Music

Nadia Abo Khadour na Jo Prait bashinze Sage Music bijeje abahanzi bari gukorana kumenyekanisha ibihangano byabo no hanze y'u Rwanda

Giramata Olga ari kumwe n'abayobozi ba Sage Music ndetse na Briana bafatana ifoto y'urwibutso

Giramata Olga na Briana wahoze ari umukunzi wa Harmonize bari kumwe bafatanye ifoto y'urwibutso kuri uyu munsi

Giramata uheruka kwiyamamariza guhagararira Intara y'Iburasirazuba muri Miss Rwanda 2022, yabonye amasezerano y'imyaka itatu akorana na Sage Music

Giramata Olga yagize umwanya wo gutaramira abari bitabiriye ibirori byo gufungura ku mugaragaro Sage Music

Papa Cidy uzwi muri Uganda ni umwe mu batari abanyarwanda batangiranye na 'Sage Music'

Gihana ucuranga inanga ubwo yari ageze ahabereye ibi birori afata ifoto na Producer Chrisy Neat

Jo Prait uri mu bashinze Sage Music yari mu muhango wo kuyifungura ku mugaragaro

Nadia Abo Khadour umaze iminsi mu Rwanda yari yahishuye ko ari gushaka aho yashora imari

Ariel Wayz ari kumwe na Nadia Abo Khadour uri mu bashinze Sage Music

Nadia Abo Khadour ari kumwe n'inshuti ye Briana wahoze ari umukunzi wa Harmonize

Ariel Wayz yataramye mu birori byo gufungura ku mugaragaro Sage Music

Sage Music ni sosiyete nshya yinjiye ku isoko rya muziki mu Rwanda