00:00:00 IGIHE NETWORK KN KINYARWANDA EN ENGLISH FR FRANCAIS

Ghislaine Maxwell yakatiwe gufungwa imyaka 20

Yanditswe na Uwiduhaye Theos
Kuya 29 June 2022 saa 09:17
Yasuwe :

Umwongerezakazi Ghislaine Maxwell, uzwi nk’umukobwa wa Robert Maxwell wamenyekanye mu Bwongereza no muri Amerika, yakatiwe igifungo cy’imyaka 20 nyuma yo guhamwa n’ibyaha bifitanye isano n’icuruzwa ry’abantu hagamijwe kubakoresha imibonano mpuzabitsina.

Ghislaine Maxwell yakatiwe imyaka 20 n’urukiko rwo muri Amerika ku bwo gufasha Jeffrey Epstein mu bikorwa byo gusambanya abana batarageze imyaka y’ubukure.

Mu Ukuboza umwaka ushize nibwo uyu mugore w’imyaka 60 yahamijwe ibyaha birimo gushakira no gucuruza abana b’abakobwa bane, Jeffrey Epstein.

Ibyaha bya Maxwell yabikoze mu bihe bitandukanye guhera mu 1994.

Umucamanza Alison J Nathan yatangaje ko babonye ibimenyetso bihagije bigaragaza ko uyu mugore yagiye akorana bya hafi bya Epstein akamushakira abakobwa b’abakene b’abangavu uyu mugabo akabasambanya. Uretse gufungwa Maxwell yanaciwe ihazabu ya 750.000$.

Jeffrey Epstein wabaye intandaro yo gukora ibyaha kwa Ghislaine Maxwell yagiye asambanyiriza abakobwa mu nyubako yari afite mu mijyi nka Florida, New York, New Mexico na Virgin Islands.

Uyu mugabo yiyahuriye muri kasho mu 2019, ubwo yari ategereje kugezwa imbere y’ubutabera.

Maxwell yatangiye kuburana mu 2020. Ubushinjacyaha bwagaragaje abatangabuhamya 24 bashinjaga uyu mugore mu gihe abamuburaniraga bo bagaragaje icyenda bamushinjuraga.

Ghislaine Maxwell azwi nk'umwe mu bavugaga rikijyana muri Amerika ndetse akaba n'umukobwa wa Robert Maxwell wamenyekanye cyane ku Isi
Jeffrey Epstein [uri ibumoso] wabaye intandaro yo gukora ibyaha kwa Ghislaine Maxwell afashe ku rutugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .