00:00:00 IGIHE NETWORK KN KINYARWANDA EN ENGLISH FR FRANCAIS

Ghana yishimiye uburyo umunyarwanda ari gutegura igitaramo cya Wizkid

Yanditswe na Nsengiyumva Emmy
Kuya 9 Ukuboza 2022 saa 10:38
Yasuwe :

Umunyarwanda Lee Ndayisaba yahuye n’abakuriye inzego z’umutekano muri Ghana abasobanurira byinshi ku myiteguro y’igitaramo cya Wizkid kizabera mu Mujyi wa Accra.

Ibi biganiro byabaye ku wa 8 Ukuboza 2022, byahuje ikipe iri gutegura igitaramo cya Wizkid i Accra muri Ghana ndetse n’ubuyobozi bw’inzego zinyuranye z’umutekano.

Ni ibiganiro barebeyemo hamwe aho imyiteguro y’iki gitaramo igeze, baganira ku bijyanye n’umutekano w’ibintu n’abantu bazitabira.

Lee Ndayisaba aganira na IGIHE, yavuze ko icyari kigoye mu myiteguro y’iki gitaramo ari ukubona uburenganzira bw’inzego z’umutekano, yishimira ko kugeza ubu byarangiye neza.

Ati “Hano biragoye ko baguha icyangombwa cyo gutegura igitaramo utabashije kubemeza uburyo wateguye gucunga umutekano w’abantu.”

Mu bitabiriye ibi biganiro harimo Umukuru wa Polisi, uhagarariye Ishami rishinzwe kuzimya Inkongi n’Umukuru w’Urwego rushinzwe Umutekano mu gihugu.

Nyuma yo kwitegereza aho imirimo, inzego zishinzwe umutekano zahaye rugari ikipe iri gutegurira igitaramo ngo ikomeze imirimo.

Iyi kipe iyobowe n’umunyarwanda Lee Ndayisaba.

Wizkid aragera muri Ghana ku mugoroba wo ku wa 9 Ukuboza 2022 mbere y’amasaha make ngo ku wa 10 Ukuboza 2022 ataramire abatuye i Accra.

Nyuma yo kuzenguruka stade izaberamo igitaramo bicaye ku meza bajya inama y'imikoranire
Byabaye ngombwa ko bajya no kurebera muri stade uko bizaba byifashe
Inguni zose za stade ya Accra bazirebyeho mbere yo gutanga icyangombwa cyemerera iki gitaramo kuba
Lee Ndayisaba yamaze kubona icyangombwa cyo gukomeza gutegura iki gitaramo
Lee Ndayisaba asobanurira inzego zishinzwe umutekano uko uzaba wakajijwe mu gitaramo
Lee Ndayisaba yasabye inzego z'umutekano zo muri Ghana ubufatanye muri iki gitaramo
Imyiteguro iri kugana ku musozo
Wizkid ategerejwe i Accra ku mugoroba wo kuri uyu wa 9 Ukuboza 2022

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .