Fred Lyon wambika benshi mu byamamare yambitse impeta Umwarabukazi

Yanditswe na Uwiduhaye Theos
Kuya 15 Mutarama 2021 saa 10:16
Yasuwe :
0 0

Ndicunguye Fred wamamaye nka Fred Lyon mu bijyanye no kwambika ibyamamare bitandukanye mu Rwanda yambitse impeta y’urukundo umukobwa w’umwarabukazi, amusaba ko yazamubera mutima w’urugo.

Umwe mu nshuti za hafi z’uyu musore yabwiye IGIHE ko atazi neza igihugu akomokamo ariko avuga ko icyo azi ari uko ari umwarabukazi.

Yakomeje avuga ko umukunzi wa Fred Lyon bamaranye igihe, ndetse akunze kumusura mu Rwanda na we akajya kumureba iwabo.

Ati “Bamaranye igihe kitari gito baziranye banakundana. Bakunze no gusurana cyane ngo urukundo rwabo rutazakonja.”

Uwaduhaye amakuru yavuze ko umukunzi wa Fred Lyon yitwa Rawiya; aba bombi nubwo bataremeza itariki y’ubukwe neza ariko nabwo buri hafi.

Fred Lyon amaze imyaka ine akora akazi ko gucuruza imyambaro itandukanye, inkweto n’ibindi. Akundwa na benshi kuko agira imyambaro igezweho. Afite iduka ryitwa Lyon Store.

Ubaze umubare w’ibyamamare amaze kwambika ntiwawurangiza kuko uhereye kuri Bruce Melodie, Shaddy Boo, Queen Cha, Safi Madiba, Dj Toyxxk, Marnaud n’abandi benshi bose bakunze kurimba ariwe babikesheje.

Mu 2019 yabwiye IGIHE ko gucuruza yabitangiye kuva kera yiga muri kaminuza mu Bushinwa, akaza kubona ko ari impano ye.
Ati “Ni ibintu byari bisanzwe bindimo. Nkiri muri kaminuza nabwo nari umucuruzi, hari ukuntu ushobora kuba ukora aka kazi ariko nta biro ugira, rero niko nakoraga. Nabikoze nkiri mu ishuri mbona byavamo umugati.”

“Aho nasoreje kaminuza naratangiye, abantu baramenya nanjye icyo bakeneye ndakimenya. Nize mu Bushinwa, ibijyanye n’ubushabitsi mpuzamahanga. Aho nigaga nakundaga gutembera mu masoko atandukanye ugasanga ni njye uhorana ibintu bishya, bikaba ngombwa ko bagenzi banjye banyifashisha, nkagenda mbibonamo inyungu nke ndabikomeza kuko nabonaga ari impano yanjye.”

Yemeza ko atatangiye gukora agamije kwambika abantu imyenda gusa ahubwo yari afite na gahunda yo gukora ikintu cyiza gituma umuntu yambara ibijyanye kandi akaberwa.

Kuri we ngo abashaka kurimba buri wese aza afite igitekerezo cy’uko ashaka kuberwa ariko na Fred bitewe n’uko akubona akaba yakongereraho ibindi bitekerezo byatuma wambara mu buryo bunogeye ijisho.

Muri iyi minsi iduka rye ryambika cyane cyane abagabo ariko ubu ashaka gufungura iduka ryihariye ry’abagore.

Fred Lyon yambitse impeta y'urukundo umwarabukazi
Ibyishimo byari byose ubwo Fred Lyon yambikaga impeta umukunzi we
Fred Lyon n'umukobwa wamutwaye umutima
Akanyamuneza kari kose
Byari ibihe byo kumwenyura kuri Fred Lyon n'umukunzi we
Inshuti z'uyu musore zari zaje kumushyigikira

-  Reba ikiganiro uyu musore yigeze kugirana na IGIHE


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .