00:00:00 IGIHE NETWORK KN KINYARWANDA EN ENGLISH FR FRANCAIS

Francis Zahabu arifuza kuyobora abandi mu gakiza yifashishije filime

Yanditswe na Nsengiyumva Emmy
Kuya 4 Mutarama 2023 saa 11:05
Yasuwe :

Nyuma y’igihe agaragara miri filime Citymaid, Francis Zahabu benshi bamenye nka Steven yatangiye gusohora iye bwite yise ‘Advocate’.

Iyi filime y’uruhererekane uyu mugabo yashyize hanze, igaruka ku buzima bwa buri munsi bwa muntu, aho igaragaza ko umuntu anyura muri byinshi yaba ibishimishije n’ibibababaje itandukaniro rikaba uburyo abyitwaramo.

Zahabu yavuze ko yashakaga kugaragaza uko ijwi ry’Imana buri gihe rigira inama abantu, rikabakomeza ndetse rikabereka ibyiza byo gukora n’ibibi byo kwirinda.

Kuri we, ngo ubu butumwa yabuhishuriwe ubwo yahamagarirwaga kwizera Imana nyuma ko kumusanga no kumuhindura umwana wayo. Yumva nyuma yo gukizwa akwiriye gufasha abandi bagakizwa abinyujije mu mpano ye yo gukina filime.

Mu gace ka mbere k’iyi filime gafite iminota icyenda, Francis Zahabu uba ugaragara nka malayika, asura umwana uba urererwa mu muryango ariko afatwa nabi.Nyuma yo kumugenderera, asaba uyu mwana kwihanganira ibimugerageza yifashishije isengesho.

Francis Zahabu yamenyekanye muri Filime Inzozi, Ikigeragezo cy’ubuzima, n’izindi zinyuranye. Uyu mugabo yizeye ko filime ye nshya izatanga umusanzu mu muryango nyarwanda.

Francis Zahabu ni umwe mu bahanzi b’imideli bubatse izina muri uru ruganda binyuze mu myenda yise Francis Zahabu Fashions.

Uyu mugabo ari mu ba mbere batangiye gusobanukirwa ibijyanye na Made in Rwanda, umwenda we wa mbere yakoze wanditseho iki kirango yawusohoye mu 2009.

Francis Zahabu amaze kubaka izina muri Citymaid akinamo yitwa Steven

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .