00:00:00 IGIHE NETWORK KN KINYARWANDA EN ENGLISH FR FRANCAIS

Fofo wo muri Papa Sava agiye kurushinga n’umusore bahujwe na telefone

Yanditswe na Nsengiyumva Emmy
Kuya 14 June 2022 saa 09:21
Yasuwe :

Niyomubyeyi Gentille Noella uzwi nka Fofo muri filime ya Papa Sava, yemeje ko agiye gukora ubukwe n’umuhanzi w’Umurundi ariko ufite inkomoko no muri Tanzania Paterne HP akaba asanzwe atuye muri Leta Zunze Ubumwe za Amerika, wamuterese yitwaje kumutiza telefone.

Nyuma y’imyaka itatu ari mu munyenga w’urukundo n’umukunzi we, Fofo kuri ubu yemereye IGIHE ko bari gutegura ubukwe ndetse imyiteguro igeze kure.

Biteganyijwe ko ubukwe bw’aba bombi buzaba ku wa 2 Ukwakira 2022.

Ati “Imyiteguro ubu twayitangiye mu minsi iri imbere ni ukurushinga. Nibaza ko itariki yamaze gusohoka igisigaye ari uko umunsi ugera.”

Mu minsi ishize uyu mukobwa yahishuye ko yahuye n’uyu musore bwa mbere amutira telefone yo guhamagaza inshuti ye.

Ati “Ni umusore w’Umurundi ariko ufite imiryango muri Tanzania, twamenyanye kuva mu 2018 ubwo yari yaje mu Rwanda. Twahuriye ahantu telefone yanjye yanzimanye kandi uwo nari ngiye kureba nkeneye kumuhamagara, antiza iye birangira dutangiye kuvugana.”

Fofo asanzwe azwi cyane ku mbuga nkoranyambaga kubera filime akinamo ndetse n’ikimero cye gitangarirwa na benshi. Umusore bagiye kurushinga ni umuhanzi ariko utaramenyekana.

Paterne HP usanzwe utuye muri Leta Zunze Ubumwe za Amerika agiye kurushinga na Fofo
Fofo wo muri Papa Sava agiye kurushinga
Amatariki y'ubukwe bwabo yamaze gutangazwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .