Yabigarutseho mu kiganiro yagiranye na IGIHE, aho yavuze ko ibyo gutwita ari inkuru z’ibihuha zakwirakwijwe n’abantu atamenye bakoresha imbuga nkoranyambaga.

Ati “Biriya ntabwo byaribyo, barabeshyaga ni ibihuha ntazi aho byaturutse nanjye nabibonye gutyo noneho bikubitana n’uko nari maze iminsi ntari gukora wenda bakeka ko aribyo ariko ntaho bihuriye.”

Fifi Raya uri mu bahanzi bamaze iminsi mu muziki, yavuze ko kuba yari amaze iminsi atagaragara nubwo bifite impamvu nyinshi, harimo n’iyo kuba yari mu bihe byo guhindura abo bakoranaga.

Uretse indirimbo ‘Dejavu’ yakoranye na B Threy, Fifi Raya yakoze indirimbo zirimo ‘Wasara’, ‘Mon bebe’ na ‘Cyane’ ziri mu zatumye izina rye rirushaho kuzamuka.

Fifi Raya yahakanye amakuru yari amaze iminsi avuga ko atwite