Byitezwe ko Fally Ipupa azaririmbira mu Mujyi wa Goma ku wa 17 Gicurasi 2024 mbere yo kwerekeza i Bukavu ku wa 19 Gicurasi 2024.

Igitaramo cya Fally Ipupa i Goma byitezwe ko kizabera muri Serena Hotel mu gihe itike ya make izaba ari 300$ mu gihe iya VIP izaba igura 1200$.

Ni igitaramo kitashimishije abaturage ba Repubulika Iharanira Demokarasi ya Congo, mu gihe abatuye Umujyi wa Goma bo bagaragaje ko ibyo biciro bigoye ko yabikoreraho igitaramo mu bukene bunumayo.

Uwitwa Omelemba Christopher abinyujije ku rubuga rwa X, yagize ati “Azaba ari kwishimira ko M23 igiye kwinjira i Goma.”

Ku rundi ruhande Théodore Akelenge we ku rubuga rwa X yaburiye uyu muhanzi ko naramuka agiye gukorera igitaramo i Goma azabyicuza, ati “Ntabwo aribyo, igitaramo cya Fally Ipupa i Goma? nahagera azabyicuza.”

Aba kimwe n’abandi benshi bagaragaje ko batumva ukuntu umuhanzi nk’uyu utekereza neza yafata icyemezo cyo kujyana igitaramo mu gace karimo imirwano akagishyira no ku giciro gihanitse.

#RDC 🇨🇩 #Goma entre la guerre et les concerts #VIP. L'artiste musicien @fallyipupa01 a annoncé sa venue à #Goma le 17 mai prochain pour un concert musical. L'entrée coûtera 300 $ et 1 200 $ en VIP. Il se déroulera à l'hôtel #Serena de Goma, l'un des hôtels VIP les plus chers de… pic.twitter.com/PfJsKLkjyU

— Justin KABUMBA (@kabumba_justin) May 1, 2024

Fally Ipupa ategerejwe mu gitaramo kizabera i Goma

Fally Ipupa azava i Goma yerekeza i Bukavu