Ibi uyu muhanzi yabigarutseho mu kiganiro cyihariye yagiranye na IGIHE ubwo twari twamusuye aho ari kuba n’umugore we mu Karere Gasabo.

Yagize ati “Igitekerezo cyari ugukora indirimbo yo kwishimira imyaka itatu maze mbana n’umugore wanjye, nkiganiriza Shaffy na we aracyemera tuba tuyikoze gutyo.”

Yavuze ko igitekerezo cyo gukoresha amashusho y’ubukwe bwabo, cyazanywe na Shaffy.

Uretse iyi ndirimbo ye nshya, Emmy yijeje abakunzi be ko agiye gukora indirimbo nyinshi, yemeza ko igihe yari amaze adakora umuziki, yabaga ahugiye mu mirimo y’ubuzima busanzwe ndetse no kubanza kwisuganya nk’umugabo wari umaze gukora ubukwe.

Mu Ukuboza 2021 nibwo Nsengiyumva Emmanuel wamenyekanye nka Emmy yarushinze na Umuhoza Joyce [Hoza] bari bamaze igihe bakundana. Nyuma y’ubukwe bwabo, uyu muryango waje kwimukira muri Leta Zunze Ubumwe za Amerika aho usigaye utuye.

Emmy ari i Kigali mu biruhuko

Emmy ahamya ko indirimbo Happy Day aherutse gusohora ari iy'umugore we bamaranye imyaka itatu

Emmy ari mu biruhuko i Kigali, byahuriranye n'isabukuru y'umugore we na nyirabukwe

Emmy uri i Kigali yavuze ko yifuza kuhava ahakoreye indirimbo nshya

Amafoto: Kwizera Remy Moses