00:00:00 IGIHE NETWORK KN KINYARWANDA EN ENGLISH FR FRANCAIS

Eddy Kenzo yarusimbutse mu mpanuka y’imodoka

Yanditswe na Nsengiyumva Emmy
Kuya 5 Kanama 2021 saa 11:30
Yasuwe :
0 0

Edrisah Musuuza wubatse izina nka Eddy Kenzo mu muziki wa Afurika by’umwihariko muri Uganda, yasimbutse urupfu mu mpanuka y’imodoka yakoreye mu muhanda uva i Kampala ugana i Masaka.

Kuri uyu wa Kane tariki 5 Kanama 2021 nibwo Eddy Kenzo yatangaje iby’iyi mpanuka yakoreye mu mujyi wa Maya mu karere ka Wakiso.

Nkuko yabyivugiye abinyujije ku rukuta rwe rwa Facebook n’izindi, yavuze ko iyi mpanuka yatewe n’uko umuhanda wari wanyereye cyane bityo umushoferi abura ubushobozi bwo guhagarika imodoka.

Yagize ati “Twarwanye n’iyi mpanuka, umuhanda wanyereraga kubera imvura yari yaguye, tugeze i Maya iruhande rwa sitasiyo ya lisanzi yitwa Stabex, imodoka yaguye iribarangura.”

Uyu muhanzi yakomeje avuga ko nta muntu n’umwe muri batatu bari bari muri iyi modoka wakomeretse bikomeye.

Iyi mpanuka ikimara kuba, abapolisi bashinzwe umutekano wo mu muhanda bahise bahagera, babwiye itangazamakuru ko yabaye kuri uyu wa Kane tariki 5 Kanama 2021 saa mbili za mu gitondo.

Nyuma y’iyi mpanuka, Eddy Kenzo n’abo bari kumwe bahise bajyanwa mu bitaro bya Nakirebe kugira ngo bahabwe ubutabazi bw’ibanze.

Imodoka yarimo Eddy Kenzo yibaranguye mu muhanda
Nubwo imodoka yangiritse abari bayirimo ntabwo bakomeretse bikabije

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .