Iki gitaramo cyabereye kuri Mundi Center mu ijoro ryo ku wa 30 Ugushyingo 2024, cyari cyatumiwemo abahanga mu kuvanga imiziki nka DJ Toxxyk, DJ Lamper, DJ June na DJ Trick n’abandi barimo DJ Spinny Umunyarwanda uri mu bafite izina rikomeye muri Uganda.

Mbere y’umunsi umwe ngo igitaramo kibe, amakuru yari hanze yavugaga ko amatike yo kucyinjiramo yamaze gushira ku isoko.

Imbere y’abarenga igihumbi bitabiriye iki gitaramo, aba bahanga mu kuvanga imiziki batanze ibyishimo ku bakunzi b’umuziki.

Umuhanga mu kuvanga imiziki, DJames yakoranye n’abahanzi batandukanye nka Drake, Burna Boy, Asake, Chris Brown n’abandi bafite amazina akomeye ku Isi.

Ubwo yari ageze ku rubyiniro, DJames yagaragarijwe urukundo n’abakunzi b’umuziki bari bakoraniye muri iki gitaramo nawe abahata umuziki barabyina karahava.

Iki gitaramo cyari cyateguwe na Blackout Inc. benshi mu bacyitabiriye bari bambaye imyenda y’umweru cyangwa umukara, ababishoboye bakavanga ayo mabara nkuko byari byategujwe.

DJ Lamper imbere y'abakunzi b'umuziki muri Mundi Center

Abakunzi b'umuziki bitabiriye ari benshi, bageze ahabereye igitaramo hakiri kare

DJ Toxxyk ni umwe mu basusurukije abitabiriye iki gitaramo

Abakunzi b'umuziki bari bakubise buzuye muri Mundi Center

DJames yatanze ibyishimo ku buryp budasanzwe i Kigali

DJames ni umwe mu bahanga mu kuvanga imiziki bafite izina rikomeye mu Bwongereza

Abafana bari bishimiye DJames ku rwego rwo hejuru

Muri Mundi Center hari hakubise huzuye

DJames yanyuzagamo agasoma ku mazi ya Virunga

DJ Spinny, umusore w'Umunyarwanda uvangira imiziki muri Uganda ni umwe mu bishimiwe bikomeye

Mundi Center yari yagizwe akabyiniro kakubise kuzuye

DJ Spinny yongeye gushimangira ubuhanga bwe mu kuvanga imiziki

Kivumbi King ni umwe mu bahanzi bari bitabiriye iki gitaramo

Urubyiniro rwari rwateguwe ku rwego rwo hejuru