Ni abanyamuziki bahagurutse i Kigali mu ijoro ryo ku wa 25 Ugushyingo 2022 bagera mu Bubiligi mu gitondo cyo ku wa 26 Ugushyingo 2022.

Bakigera mu Bubiligi babanje kuruhukaho gato mbere y’uko ku wa 27 Ugushyingo 2022 bakomereza urugendo rwabo Hannover mu Budage, aho bagomba gukorera igitaramo cyabo cya mbere.

Mu babahaye ikaze mu Bubiligi harimo Franckson Promoter uri mu bamaze kubaka izina mu mikoranire n’abahanzi bo mu Karere ka Afurika y’i Burasirazuba baba bagiye gutaramirayo.

Mu kiganiro aherutse kugirana na IGIHE, DJ Brianne yavuze ko kugeza ubu igitaramo cyatangajwe ari ikizabera Hannover mu Budage ku wa 30 Ukuboza 2022.

Icyakora nubwo icya mbere cyatangajwe ari ikizabera mu Budage, uyu mukobwa yateguje abakunzi be ko azataramira mu bihugu birimo u Bufaransa,u Bubiligi, Pologne, Suède n’ahandi hanyuranye.

Ibi bitaramo biri mu bikorwa ateganya gukorera i Burayi mu gihe cy’amezi abiri agiye kumarayo.

View this post on Instagram

A post shared by Nsengiyumva Emmanuel (@emmy_rwanda_ikinege)

Ubwo DJ Brianne yari ahagurutse i Kigali yerekeje i Burayi ku nshuro ye ya mbere

DJ Brianne mu ndege yerekeza i Burayi

Ni inshuro ya kabiri Social Mula agiye gutaramira i Burayi

Social Mula na Dj Brianne bakiriwe ku kibuga cy'indege cy'i Bruxelles mu Bubiligi