00:00:00 IGIHE NETWORK KN KINYARWANDA EN ENGLISH FR FRANCAIS

DJ Bissosso wahiriwe n’igitaramo cy’i Musanze akurikijeho Rubavu

Yanditswe na Nsengiyumva Emmy
Kuya 27 Ukuboza 2022 saa 10:16
Yasuwe :

DJ Bissosso uri mu bamaze igihe mu mwuga wo kuvanga imiziki, yinjiye mu mwuga wo gutegura ibitaramo abinyujije muri sosiyete yise ’Bissosso Ent’. Nyuma yo gutegura icy’i Musanze cyinjije abatuye uyu mujyi muri Noheli kikagenda neza, akomereje i Rubavu.

Igitaramo yateguye i Musanze ku wa 25 Ukuboza 2022 kikagenda neza, cyamuzamuriye icyizere ko n’icyo ari gutegura i Rubavu ku wa 1 Mutarama 2023 kizagenda neza.

Mu kiganiro yagiranye na IGIHE, DJ Bissosso yavuze ko yishimiye uko igitaramo cye cya mbere cyagenze ndetse ahamya ko cyamuteye imbaraga zo kurushaho gutegura neza n’igikurikiyeho.

DJ Bissosso yavuze ko amaze imyaka myinshi mu mwuga wo kuvanga imiziki hari byinshi yize, birimo n’ibyo gutegura ibitaramo.

Ati “Nureba urasanga imyaka maze mu muziki w’u Rwanda, byinshi mu bitaramo bikomeye narabicuranzemo, ni ibintu nzi neza uko bipfa n’uko bigenda neza. Aha niho nahereye nifuza gushyira itafari ryanjye mu gutegura ibitaramo byiza byafasha abantu kuryoherwa n’umuziki nk’umuntu wabibayemo.”

DJ Bissosso avuga ko ubunararibonye afite mu mitegurire y’ibitaramo abukesha ibyo yagiye akoramo agafatanya n’ababaga babiteguye.

Iki gitaramo cy’i Rubavu kizaririmbamo Bushali, Mistaek, Chris Eazy, Papa Cyangwe na Ben Adolphe. Ni ibirori bizayoborwa na DJ Bissosso, VJ Mupenzi, DJ Ira na DJ Sonia bafatanyije na MC Tino uzaba afatanya na MC Gitego.

Iki igitaramo kizabera ahitwa ‘Public Beach’ ku wa 1 Mutarama 2023, aho kwinjira bizaba ari 3000Frw mu myanya isanzwe na 5000Frw mu myanya y’icyubahiro, buri wese agahabwa ibyo kunywa bibiri.

Ni igitaramo cyabereye mu muhanda hagati
I Musanze abafana bitabiriye igitaramo cyateguwe na DJ Bissosso ku rwego rwo hejuru
Nyuma yo guhirwa n'igitaramo cy'i Musanze, DJ Bissosso yateguye n'icy'i Rubavu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .