Benshi ku mbuga nkoranyambaga bakunze kugaragaza ko batunguwe bikomeye no kubona umuraperi Dexta Rapper ataramana n’umubyeyi we uba amubyinira ndetse bakajyana mu mbyino baba bajyanisha.

Dexta Rapper n’umubyeyi we ni bamwe mu bagezweho bikomeye muri Uganda ndetse no muri Afurika by’umwihariko mu bakoresha imbuga nkoranyambaga batungurwa n’umusore uba ubyinana na se.

Uyu muraperi na Se batumiwe i Kigali mu gitaramo cyo kwizihiza imyaka icumi akabyiniro ka ‘People club’ kamaze gakora.

Ni igitaramo cyabereye muri aka kabyiniro mu ijoro ryo ku wa 15 Kamena 2025, aho benshi mu bitabiriye iki gitaramo banyuzwe bikomeye n’uburyo Dexta Rapper n’umubyeyi we baba bajyanisha ku rubyiniro.

Dexta Rapper n’umubyeyi we bagezweho cyane mu Karere ka Afurika y’Iburasirazuba uretse iki gitaramo, byitezwe ko bakorera n’ibindi bitaramo bitandukanye.

Uretse kuba umuraperi, Dexta Rapper asanzwe ari umu producer ukorera abandi bahanzi indirimbo na we akaba yakwikorera ize ari nazo akunze kubyinana na se.

View this post on Instagram

A post shared by Emmy Rwanda Ikinege BadMan (@emmy_rwanda_ikinege)

Mbere yo gutaramira i Kigali, Dexta Rapper n’umubyeyi we babanje gusohokera ahitwa Pili Pili

Dexta Rapper n’umubyeyi we batumiwe na DJ Marnaud mu birori byo kwizihiza imyaka icumi akabyiniro ka 'People Club' kamaze

Dexta Rapper n’umubyeyi we iyo babyinana bitanga ibyishimo ku bakunzi b'umuziki