Indirimbo icumi zimaze kurebwa cyane kuri Youtube

Yanditswe na Nsengiyumva Emmy
Kuya 18 Gashyantare 2020 saa 02:19
Yasuwe :
0 0

Nyuma y’iterambere ry’imbuga nkoranyambaga zirimo na Youtube, uburyo umuziki wakundwaga n’uko wafatwaga byarushijeho kwiyongera. Ubu ntibikiri ngombwa kugura gasete cyangwa CD ngo wumve indirimbo ukunda, cyangw ango utegereza ko radiyo izazigukinira.

Youtube yoroheje kandi iteza imbere umuziki muri rusange, aho indirimbo yose ushaka uyibona ukayumva inshuro ushaka. Nubwo akenshi bititwabwaho n’uwumva indirimbo, uko ayumva niko inshuro ayumvise zibara, uko indirimbo yumvwa na benshi bigahesha andi mahirwe uwayumvise birimo kubona amafaranga, kumenyekana n’ibindi.

Twabakoreye urutonde rw’indirimbo icumi zimaze kumvwa kenshi ku rubuga rwa Youtube, bivuze ko ari zo za mbere zakunzwe.

1. Despacito ya Luis Fonsi na Daddy Yankee

Iyi ndirimbo niyo ya mbere imaze kurebwa n’abantu benshi ku Isi ku rubuga rwa Youtube. Yashyizweho tariki 12 Mutarama 2017 ikaba imaze kurebwa n’abarenga miliyari 6.63.

2. Shape of You ya Ed Sheeran

Amagambo agize iyi ndirimbo ni amwe mu yatumye ikundwa cyane n’urubyiruko kuri ubu ikaba ari iya kabiri mu zimaze kurebwa n’abantu benshi ku rubuga rwa Youtube aho imaze kurebwa n’abarenga miriyari 4.63 mu gihe yashyizweho tariki 30 Mutarama 2017.

3. See You Again ya Wiz Khalifa na Charlie Puth

Guhuza kwa Wiz Khalifa na Charlie Puth muri iyi ndirimbo “See You Again” byatumye ikundwa bikomeye ku buryo kugeza magingo aya ari iya gatatu mu zimaze kurebwa cyane ku rubuga rwa Youtube ku Isi aho imaze kurebwa n’abarenga miliyari 4.42 nyamara yarashyizweho tariki 6 Mata 2015.

4. Uptown Funk ya Mark Ronson na Bruno Mars

Iyi ndirimbo ya kane imaze kurebwa n’abantu benshi ku rubuga rwa Youtube yashyizweho tariki 19 Ugushyingo 2014 kuri ubu ikaba imaze kurebwa n’abarenga 3.78.

5. Gangnam Style ya Psy

Iyi ndirimbo yabiciye bigacika ku Isi nzima, iri mu zimaze kurebwa n’umubare munini w’abakunzi b’umuziki, imaze kurebwa n’abarenga 3.52 mu gihe yashyizwe ku rubuga rwa Youtube Tariki 15 Nyakanga 2012.

6. Sorry ya Justin Bieber

Iyi ndirimbo y’uyu musore w’Umunyamerika yaciye ibintu ku Isi nzima kuri ubu iri mu zarebwe cyane ku rubuga rwa Youtube yagezeho ku wa 22 Ukwakira 2015, kuri ubu ikaba imaze kurebwa n’abarenga miliyari 3.25.

7. Sugar ya Maroon 5

Sugar ni indirimbo y’itsinda rya Maroon 5 iri rizwi cyane muri Leta Zunze Ubumwe za Amerika kuri ubu iyi yashyizwe ku rubuga rwa Youtube tariki 14 Mutarama 2015 imaze kurebwa n’abarenga miliyari 3.13.

8. Roar ya Katy Perry

"Roar" ya Katy Perry ni imwe mu ndirimbo zakunzwe cyane kuva yasohoka tariki 5 Nzeri 2013, kuri ubu iri ku mwanya wa munani mu zimaze kurebwa cyane ku rubuga rwa Youtube aho ifite abayirebye barenga miliyari 3.01.

9. Counting Stars ya One Republic

Counting Stars ni indirimbo y’itsinda rya One Republic ryamamaye cyane muri Leta Zunze Ubumwe za Amerika, iyi yashyizwe ku rubuga rwa Youtube tariki 31 Gicurasi 2013 kuri ubu ikaba iri ku mwanya wa cyenda imaze kurebwa n’abarenga miliyari 2.92.

10. Thinking Out Loud ya Ed Sheeran

Muri izi ndirimbo 10 zimaze kurebwa cyane Ed Sheeran yisangije kuba ariwe wenyine ufitemo indirimbo ebyiri, Iyitwa “Thinking out loud” yashyize hanze tariki 7 Ukwakira 2014 ari nabwo yashyizwe ku rubuga rwa Youtube kuri ubu ifite abayirebye barenga miliyari 2.91.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza