00:00:00 IGIHE NETWORK KN KINYARWANDA EN ENGLISH FR FRANCAIS

Davis D yasubiye i Burundi

Yanditswe na Nsengiyumva Emmy
Kuya 14 Mutarama 2023 saa 08:53
Yasuwe :

Nyuma y’iminsi mike akoreye igitaramo gikomeye mu Mujyi wa Bujumbura, Davis D yahise asubirayo aho agiye kumara iminsi mu ifatwa ry’amashusho y’indirimbo ye na Big Fizzo.

Davis D uri i Bujumbura, yabwiye IGIHE ko yagiye mu rugendo rw’akazi cyane ko ari mu ifatwa ry’amashusho y’indirimbo ‘Truth or Dare’ basubiranyemo.

Ni indirimbo basubiranyemo n’iya mbere itarasohoka cyane ko yo yagiye hanze ku wa 12 Mutarama 2023.

Avuga kuri iyi ndirimbo, Davis D yahishuye ko idasanzwe kuri we kuko urukundo aririmbamo ari urwo amazemo imyaka hafi itanu n’umukobwa yirinze kugarukaho.

Ati “Maze imyaka itanu mbayeho mu buzima naririmbye, hari byinshi bikunze kuvugwa ku mbuga nkoranyambaga ariko ukuri ni uko maze igihe mfite umukunzi.”

Davis D yaherukaga i Burundi mu minsi ishize ubwo yari yagiye kuhakorera igitaramo cyabaye ku wa 31 Ukuboza 2022.

Muri iki gitaramo cyabereye ahitwa Zion Beach, Davis D yaratunguranye aririmbana na Big Fizzo iyi ndirimbo yabo bakoranye.

Ni indirimbo abakunzi ba muzika i Burundi batari bazi cyane ko yasohotse habura iminsi mbarwa ngo igitaramo kibe, ariko benshi bahavuye batangiye kuyikunda.

Ubwo aheruka i Burundi, Davis D yaririmbanye na Big Fizzo iyi ndirimbo yari itaramenyekana ariko abakunzi ba muzika barayishimira
Davis D na Big Fizzo bari mu ifatwa ry'amashusho y'indirimbo 'Truth or Dare'
Davis D yasubiye i Bujumbura gusoza umushinga w'indirimbo ari gukorana na Big Fizzo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .