Mu kiganiro yagiranye na IGIHE nyuma y’imyotozo ya nyuma y’igitaramo cye, Davis D yavuze ko yagenze neza igisigaye ari umunsi wa nyuma w’igitaramo agatanga ibyishimo ku bakunzi be.

Ati “Imyiteguro yagenze neza, njye urebye ibintu byose nabikoze uko nabiteguye kandi byagenze neza, ikibura ni uko umunsi nyirizina ugera ngataramana n’abakunzi banjye. Navuga ko imyiteguro imeze neza cyane, ikibura ni uko abantu bagura amatike ku bwinshi hakiri kare ubundi tukazabana.”

Ubwo twasuraga Davis D mu myiteguro, yasabye abakunzi be kugura amatike hakiri kare ku buryo ntawe uzabura iye ku gihe kuko imibare imwereka ko ari kugurwa ku bwinshi.

Igitaramo cye ‘Shine Boy Fest’ giteganyijwe kubera muri Camp Kigali ku wa 29 Ugushyingo 2024. Iki gitaramo kigamije kwizihiza imyaka icumi Davis D amaze mu muziki.

Ni igitaramo byitezwe ko kizitabirwa n’abahanzi barimo; Nasty C na Danny Nanone bari muri iki kiganiro n’abanyamakuru, Bull Dogg, Platini, DJ Toxxyk, Nel Ngabo,DJ Marnaud,Bushali, Ruti Joel n’abandi benshi.

Bukuru, umubyeyi wa Davis D nawe agiye gutaramira abakunzi b'umuhungu we

Nyinshi mu ndirimbo za Davis D azazikora mu buryo bwa Live

Davis D yitozanyije n'umubyinnyi uzamufasha mu gitaramo cye

Hari indirimbo Davis D azakora afatanyije n'umubyinnyi we

Selekta Maurice wavuye mu Bubiligi niwe uzaba afatanya na Davis D mu gitaramo cye

Hari indirimbo zigera aho zigatangira kuryohana abacuranzi

Producer Loader wakoranye indirimbo 'Lolo' na Davis D yari yitabiriye imyotozo ya nyuma

Loader na Davis D bakoranye imyitozo ya nyuma mbere y'uko igitaramo kiba