Davis D wataramiye i Bruxelles mu Bubiligi n’i Lyon mu Bufaransa, yashimiye abantu bitabiriye ibitaramo bye ku bwinshi.

Uyu muhanzi byari byitezwe ko agomba no gutaramo i Nantes n’i Paris mu Bufaransa akazanataramira kandi mu Budage no muri Finland yagarutse i Kigali huti huti.

Yavuze uko yakiriwe i Burayi, Davis D yagize ati “i Burayi banyakiriye neza, nasanze abakunzi banjye bantegereje ku bwinshi ni abantu bazi ibihangano byanjye kandi banyeretse urukundo. Urebye abitabiriye i Bruxelles n’i Lyon byari iby’agaciro gakomeye.”

Iyi huti huti yatewe n’uko iminsi Davis D yari yahawe yo kuguma i Burayi yari imushiranye akaba agiye kuyongeresha kugira ngo abashe kwitabira ibindi bitaramo asigaje.

Uretse kongeresha iminsi yo kuba ku Mugabane w’u Burayi, Davis D yavuze ko hari akandi kazi yari afite kubanza kurangiza i Kigali mbere yo gusubirayo.

Davis D yageze Kigali ashimira Abanyarwanda b’i Burayi

Davis D agiye kongeresha uruhushya rumwemerera kuba ari i Burayi abone gusubirayo kurangiza ibitaramo bye