Nyuma yo gutaramira i Lyon mu ijoro ryo ku wa 8 Nyakanga 2022, Saa tatu z’ijoro ryo ku wa 9 Nyakanga 2022, Davis D na Bagenzi Bernard bajyanye bafashe indege bagaruka i Kigali

Amakuru IGIHE ifite ni uko uruhushya bari bahawe rubemerera kuba bari ku mugabane w’u Burayi (Visa) rwari rugiye kurangira, bakaba bagarutse kurwongeresha bakabona gusubirayo.

Uwaduhaye amakuru yagize ati "Bari babahaye iminsi mike cyane, bagerageje gusaba kongererwa iminsi bari hariya ariko byaranze, baje inaha kongeresha wenda bakareba niba bahita basubira kurangiza akazi."

Nyuma yo gutaramira i Bruxelles mu Bubiligi n’i Lyon mu Bufaransa, Davis D yari ategerejwe i Nantes na Paris ndetse no mu Budage.

Davis D agiye kureba uko yakongeresha uruhushya rwe rwo kujya ku Mugabane w'Uburayi (Visa) abone kujya kurangiza akazi yari yabonye

Davis D yagarutse i Kigali atarangije ibitaramo bye i Burayi