Ni ibirori byaranzwe n’umuziki wo mu myaka yo hambere kuva mu 1970 kugeza mu 2010, ahari hatumiwe aba-DJs bafite ubunararibonye mu kuvanga imiziki.

Uretse indirimbo zo mu myaka yo hambere zibyinwa ku bwinshi muri ibi birori byari bibaye bwa kabiri, benshi mu babyitabira baba bagerageje kurimba imyenda yo mu myaka yo hambere.

Abategura ibi birori batoranya abarimbye kurusha abandi bakabagenera ibihembo.

Kuri iyi nshuro Clapton Kibonge na Cyusa nibo batoranyijwe nk’abahize abandi mu kurimba neza imyenda yo hambere.

Ibi birori byasusurukijwe na DJ Emery na DJ Mike bafatanyaga n’abarimo DJ Karim, DJ Bissosso, DJ Kadir na DJ RY mu gihe ibirori byo byayobowe na MC Lion Imanzi.

Muri ibi birori DJ Mike na DJ Emery basusurukije abantu mu ndirimbo zo kuva mu myaka ya 1970 kugeza mu mu 1990, mu gihe abasigaye basusurukije abakunzi b’umuziki mu ndirimbo zo mu 2000 kuzamura.

Ibirori bya Oldies Music Festival byitabiriwe cyane

Buri wese yari yakoze ku mwenda uvuga amateka ya cyera

Abakobwa beza bari babukereye muri Oldies Music Festival

DJ RY yashimishije abitabiriye ibi birori

MC Lion Imanzi ni we wayoboye ibirori

DJ Kadir yongeye gukora ku mitima y'abakunzi b'umuziki bitabiriye Oldies Music Festival

DJ Bissosso yari yabukereye

DJ Emery yakumbuje abari bitabiriye ibi birori umuziki wo hambere

Bull Dogg yari yitabiriye ibi birori

Cyusa yahawe igihembo cy'uwari wambaye neza muri ibi birori

Clapton Kibonge ni uku yagiye yarimbye bituma anahembwa nk'umwe mu bambaye neza