Cyiza Jackson akomeje kwanikira bagenzi be muri The Next Pop Star

Yanditswe na Uwiduhaye Theos
Kuya 3 Werurwe 2021 saa 10:50
Yasuwe :
0 0

Umusore witwa Cyiza Jackson akomeje kwanikira bagenzi be mu majwi yo kuri IGIHE ndetse no kuri SMS, mu irushanwa ryo kuzamura impano rya The Next Pop Star riri kuba ku nshuro ya mbere.

Uyu musore ufite nimero 03 muri iri rushanwa mu majwi yo kuri IGIHE afite 24.195, mu gihe kuri SMS afite 8.362 yose hamwe akaba 32.557. Akurikirwa na Hirwa Honorine[No 46] ufite amajwi 20.314 kuri IGIHE naho kuri SMS akagira 812 yose hamwe akaba 21.126. Uwa gatatu ni Kibatega Jasmine [08] ufite amajwi 8218 kuri IGIHE na 4636 yose hamwe akaba 12.854.

Uri ku mwanya wa kane ni Yannick Gashiramanga[07] usanzwe ari umuraperi ukoresha amazina ya Drap-T ufite amajwi 4.057 kuri IGIHE mu gihe kuri SMS 5.351 yose hamwe akaba 9.408.

Ish Kevin ari ku mwanya wa gatanu [19] afite amajwi 5.532 kuri IGIHE naho kuri SMS akagira 1.824 yose hamwe akaba 7.356 naho uri ku mwanya wa nyuma ni Gisa cy’Inganzo[02] ufite amajwi 605 kuri IGIHE kuri SMS akagira 2.054 yose hamwe akaba 2.659.

Amatora yo kuri kuri IGIHE, SMS n’izindi mbuga nkoranyambaga muri iri rushanwa afite 30% naho 70% asigaye yo azatangwa n’akanama nkemurampaka karimo Abanyarwanda n’abanyamahanga.

Biteganyijwe ko ku wa 14 Werurwe aribwo hazaba umuhango wo gutanga igihembo nyamukuru no gutangaza abahanzi babiri bahize abandi muri batandatu bari guhatana. Ni umuhango uzanyuzwa kuri Televiziyo ya KC2.

Aba batandatu bageze mu cyiciro cya nyuma hari ishimwe bose bazagenerwa. Iri rushanwa rigamije kuzamura abahanzi nyarwanda bakagera ku rwego mpuzamahanga.

Abantu bashobora gutora binyuze mu buryo bw’ubutumwa bugufi (SMS) aho utora yandika ijambo TNP agasiga akanya agakurikizaho nimero y’uwo ashaka gutora akohereza ku 1510.
Biteganyijwe ko umuhanzi wa mbere azegukana ibihembo bifite agaciro ka Miliyoni 50 z’amafaranga y’u Rwanda, uwa kabiri we azafashwa na sosiyete ya SM1 MUSIC GROUP/ SONY MUSIC GROUP kumenyekanisha ibihangano bye ku rwego mpuzamahanga.

Aba bahanzi bombi bazakorera urugendo muri Leta Zunze Ubumwe za Amerika aho bazishyurirwa ibyangombwa byose, birimo amafaranga y’urugendo, aho kuba n’ibizabatunga mu gihe cyose bazahamara.
Abahanzi bari guhatana bageze muri iki cyiciro batoranyijwe muri 20 bari bageze mu cyiciro cyakibanjirije.

Ushaka kugira umuhanzi uha amahirwe wakanda hano:

Reba igice kirimo amashusho agaragaza uko abahanzi bari guhatana muri iri rushanwa bari kwitwara mu cyiciro kibanziriza icya nyuma

Cyiza Jackson niwe uyoboye abandi mu majwi
Gisa cy'Inganzo ari mu bahanzi bari guhatana ariko mu majwi ari ku mwanya wa nyuma
Hirwa Honorine ari mu bahanzi batandatu bageze mu cyiciro cya nyuma cya The Next Pop Star
Ish Kevin ari mu bari guhatanira miliyoni 50 Frw muri The Next Pop Star
Kibatega Jasmine ni umwe mu banyempano bari guhatanira iki gihembo
Yannick Gashiramanga 07 usanzwe ari umuraperi ukoresha amazina ya Drap T nawe ari gushakisha amahirwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .