Iyi album yari imaze igihe itegerejwe n’abakunzi be, King James yemereye IGIHE ko yamaze kuyitunganya ndetse izajya hanze mu minsi mike.

Ati “Icya mbere nababwira ni uko ubu album yarangiye, naho kuba yaratinze byo rwose nibaza ko n’abakunzi banjye bakwiye kubyumva kuko umuntu aba agifite ibyo ari gutunganya kugira ngo izasohoke ari nziza kurushaho.”

King James yavuze ko indirimbo zose zigize iyi album ye ari nshya ndetse azatangira kuzisohora bitarenze icyumweru kimwe.

Album nshya ya King James igiye hanze ikurikira iyo yise ‘Ubushobozi’ iriho indirimbo 17.

Kera kabaye King James agiye gusohora album ye ya munani yise ‘Gukura’