00:00:00 IGIHE NETWORK KN KINYARWANDA EN ENGLISH FR FRANCAIS

Costa Titch wari watumiwe mu gitaramo cya Ish Kevin azaririmba muri Kivu Fest

Yanditswe na Nsengiyumva Emmy
Kuya 10 June 2022 saa 03:09
Yasuwe :

Umuririmbyi w’Umunya-Afurika y’Epfo, Costa Tsobanoglou wamenyekanye nka Cota Titch, wari utegerejwe i Kigali mu gitaramo cya Ish Kevin giteganyijwe ku wa 16 Nyakanga 2022, byatangajwe ko azaririmba muri Kivu Fest, Iserukiramuco ribera ku mucanga w’Ikiyaga cya Kivu mu Karere ka Rubavu.

Mu minsi ishize IGIHE yatangaje inkuru y’uyu muhanzi Cota Titch ukunzwe mu njyana ya ‘Amapiano’ ko azaririmba mu gitaramo cyateguwe na Trapish Music ya Ish Kevin ndetse na Evolve Music Group.

Nyuma y’imisi iyi nkuru isohotse, amakuru mashya ahari avuga ko abari gutegura Kivu Fest bahise begera uyu muhanzi babasha kumvikana na we ndetse kuri ubu bamaze kumutangaza nk’uzitabira iri serukiramuco rizaba ku wa 2-3 Nyakanga 2022.

Umwe mu bari bateguye igitaramo cya Ish Kevin yavuze ko bari bateguye gutumira Cota Titch gusa ngo baje gutungurwa no kumva ko nyuma y’iminsi mike hari undi wamutumiye.

Icyakora bakimenya ko yamaze kwemeranya n’indi sosiyete yo mu Rwanda itegura ibitaramo, bahise bashaka undi bavuga ko bazatangaza mu minsi iri imbere.

Costa Titch watumiwemo ni umusore w’imyaka 26. Ni umwe mu bakunzwe mu bihangano bitandukanye birimo ibya ‘Amapiano’ agezweho ku isi.

Uyu musore yatangiye umuziki ari umubyinnyi nyuma aza guhindura yinjira mu kuririmba. Yatangiye kumenyekana mu 2017 ubwo yashyiraga hanze indirimbo yise ‘Activate’ ya Hip Hop, cyane ko ari yo njyana yatangiye aririmba.

Yamamaye mu zindi ndirimbo zirimo ‘Nkalakatha Remix’ yakoranye na Riky Rick uheruka kwitaba Imana na AKA ndetse ubu akunzwe muri ‘Big Flexa’ yakoranye na C’buda M, Alfa Kat, Banaba Des, Sdida na Man T iri mu ‘Amapiano’. Iyi ni nayo yazamuye igikundiro cye cyane muri Afurika yose cyane ko imaze kurebwa na miliyoni 11 kuri Youtube.

Hari kandi iyitwa ‘Champuru Makhenzo’ nayo yo mu Amapiano yakoranye na MA GANG, Phantom Steeze, ManT, Sdida na C’BUDA M, ‘Nomakanjani’, ‘Monate C’ yakoranye na AKA n’izindi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .