Ni igitaramo cyabaye kuri uyu wa Gatandatu tariki 14 Ukuboza 2024. Cyayobowe na MC Lucky benshi bamenyereye mu kiganiro Versus gitambuka kuri Televiziyo Rwanda.

Uyu muhanzi yaririmbye ibihangano bye bitandukanye bigezweho mu Rwanda no hanze yarwo, ari nabyo byatumye Team Production imwitabaza nk’umwe mu bahanzi bakunzwe.

Cyabereye ahitwa Blu Bruxelles mu Bubiligi. Kwinjira byari 30£ ku baguze amatike mbere na 40£ ku baguriye amatike ku muryango, naho abashakaga kwicara mu myanya y’icyubahiro byari 50£.

Mbere y’uko iki gitaramo kiba abari bari gutegura iki gitaramo cy’uyu muhanzi bagize itsinda rya Team Production, bari babwiye IGIHE ko amatike bari bateganyije batunguwe n’uko yashize rugikubita, bagashyira andi asaga 100 ku isoko.

Mu minsi ishize Chriss Eazy yatangaje ko uretse gutaramira i Burayi, yiteguye gufatirayo amashusho y’indirimbo ze ku buryo mu gihe azaba ashoje ibyo gutaramira abakunzi be bazabona ibihangano bishya azaba yakoreyeyo.

View this post on Instagram

A post shared by Nzeyimana Luckman (@luckmannzeyimana)

View this post on Instagram

A post shared by Nzeyimana Luckman (@luckmannzeyimana)

Ababishoboye bafashe amafoto

Abantu bari bitabiriye iki gitaramo bari bishimye mu buryo bukomeye

Chriss Eazy amaze iminsi akorera ibitaramo ahantu hatandukanye hanze y'u Rwanda

Benshi bashimishijwe no gukora kuri Chriss Eazy bari basanzwe babona ku mbuga nkoranyambaga batarahura nawe imbona nkubone

Chriss Eazy ateganya gukorera ibindi bitaramo i Burayi mu mwaka utaha

Chriss Eazy yasabanye n'abakunzi be mu Bubiligi

Chriss Eazy yaryohewe n'igitaramo agera aho akuramo ikote yari yambaye

Lucky imbere y'imbaga ubwo yari ayoboye igitaramo

Junior Giti yari yajyanye na Chriss Eazy mu Bubiligi

Iki gitaramo cyitabiriwe n'abakunzi b'umuziki wa Chriss Eazy mu Bubiligi

Junior Giti na Lucky baganirira mu Bubiligi ahabereye iki gitaramo

Chriss Eazy yanyuzagamo agafatana ifoto y'urwibutso n'abakunzi be bitabiriye iki gitaramo

Chriss Eazy ni uku yaserutse imbere y'abakunzi be batuye mu Bubiligi

MC Lucky niwe wayoboye iki gitaramo