Amakuru IGIHE yabonye avuga ko aba bahanzi bazataramira abazitabira umukino wa APR FC n’Amagaju FC ari nawo uzaba urangije shampiyona y’umwaka wa 2023-2024.

DJ Toxxyk niwe uzaba acurangira umuziki abazitabira uyu mukino mu gihe umuhanzi umwe azaririmba mu kiruhuko cyo hagati mu mukino mu gihe undi muhanzi azaba aririmba umukino urangiye.

Iki ni igikombe cya mbere APR FC itwaye nyuma yo gusubira kuri politiki yo gukinisha abanyamahanga. Ni ku nshuro ya gatanu yikurikiranya iyi Kipe yambara Umukara n’Umweru itwara Shampiyona kuva mu 2020.

Ni Igikombe cya 22 cya Shampiyona cyegukanywe n’Ikipe y’Ingabo z’Igihugu kuva ishinzwe mu 1993 mu gihe yatangiye gukina Shampiyona mu 1995.

Gisanze icyo mu 1995, 1996, 1999, 2000, 2001, 2003, 2005, 2006, 2006/07, 2008/09, 2009/10, 2010/11, 2011/12, 2013/14, 2014/15, 2015/16, 2017/18, 2019/20 na 2020/2021, 2021/22 na 2022/23.

APR FC igiye gushyikirizwa igikombe cya 22 cya Shampiyona

Aba bahanzi bazasusurutsa abakunzi ba APR FC bazitabira ibirori byo kuyiha igikombe

Bruce Melodie ni umwe mu bazasusurutsa abakunzi ba APR FC mu birori byo kuyiha igikombe

DJ Toxxyk ni we uzaba avanga imiziki muri ibi birori

Chris Eazy nawe azaba asusurutsa abakunzi b'umuziki bazitabira ibirori byo guha igikombe APR FC

Riderman ni umwe mu batekerejweho mu gufasha abakunzi ba APR FC mu birori byo guhabwa igikombe cya 22