Mu rwego rwo kureba aho imirimo igeze, IGIHE yasuye site za Car Free Zone i Nyamirambo mu Biryogo ndetse n’i Remera ku Gisimenti, ahazabera ibitaramo bya Kigali People’s Festival.

Ubwo twasuraga ahazabera ibi bitaramo mbere y’amasaha atari make ngo bitangire, twasanze abakozi baho bari gukubita hirya hino ngo imirimo yo kubyitegura irangire hatazagira ikibarogoya.

Mu Biryogo ho imirimo yo gutegura aho abahanzi bazataramira isa n’iri kugana ku musozo, mu gihe ku Gisimenti twasanze bari mu mirimo ya nyuma, bamanika ibyapa by’abaterankunga ndetse banategura neza urubyiniro.

Muri Car Free Zone i Nyamirambo, byitezwe ko ku wa Mbere tariki 21 Kamena 2022 Mico The Best ari we uzasusurutsa abantu afatanyije n’abarimo Lucky Nzeyimana uzaba ayoboye ibirori na DJ Diallo.

Ni mu gihe Car Free Zone yo mu Gisimenti ibirori byaho bizafungurwa na Kenny Sol afatanyije na Symphony Band mu birori bizayoborwa na MC Tino. Bazacurangirwa na DJ Ira.

Kuva tariki 20 kugeza 26 Kamena 2022, hateguwe ibitaramo bizajya bibera muri ’Car free zone y’i Nyamirambo ndetse n’i Remera mu Gisimenti, aho guhera saa Kumi n’Ebyiri z’umugoroba abahanzi banyuranye bazajya baba bahataramiye kugeza saa Yine z’ijoro.

Mu Gisimenti Kenny Sol na Symphony Band bazaba bari guca ibintu bafatanyije na MC Tino ndetse na DJ Ira

Mico The Best, Lucky Nzeyimana na DJ Diallo bazaba basusurutsa abazitabira igitaramo cyo mu Biryogo

Mu Biryogo bari mu mirimo ya nyuma yo kwitegura iki gitaramo

Bari gufunga amatara

Biryogo batangiye guhumurirwa na CHOGM

Abantu baraba banywa icyayi banabyina umuziki mu muhanda

Ni urubyiniro rwubatse mu muhanda hagati

Ukinjira mu Gisimenti hari ibimenyetso bigaragaza ko hadatambuka imodoka

MTN yamaze kumanika ibyapa biyamamaza

Gusasa iyi tapi byari akazi katoroshye

Muri Gisimenti hateguwe itapi y'umutuku abantu bazajya banyuraho

Mu Gisimenti mu muhanda hagati niho abantu bazabyinira

Firigo zikonjesha ibinyobwa zateguwe

Mu Gisimenti imirimo yo kubaka urubyiniro igeze kure

Ibyapa bya Forzza Bet bigiye kumanikwa ahazabera igitaramo

Heineken yazanye ibikoresho byose bizayifasha kwamamaza