00:00:00 IGIHE NETWORK KN KINYARWANDA EN ENGLISH FR FRANCAIS

Camila Cabello wizihirije Ubunani mu Rwanda, yahawe impano n’umunyabugeni w’i Musanze

Yanditswe na Uwase Kevine
Kuya 2 Mutarama 2023 saa 09:17
Yasuwe :

Umunyabugeni Harera Credo Boris yanejejwe no kubona umuhanzikazi wo muri Leta Zunze Ubumwe Amerika, Camila Cabella, bimutera kumuha impano y’igihangano yamukoreye nyuma y’igihe gito ahageze.

Camila Cabello ubwo yari mu ruzinduko rw’ibanga yakoreye mu Rwanda tariki 31 Ukuboza 2022, yasuye uduce two mu Karere ka Musanze mu Kinigi, aho niho yahuriye n’umusore Credo wamushushanyije amureba mu minota mike bamaranye.

Uyu musore w’imyaka 21 usanzwe ari umunyabugeni ukorera mu Karere ka Musanze, yabwiye IGIHE ko akibona Camila byamunejeje cyane kuko n’ubusanzwe akunda umuziki we bimutera kumushushanya.

Yagize “ Njye nkimubona nahise mfata urupapuro n’ikaramu ndamushushanya, mu minota mike yari amaze aho aje kudusura. Na we byaramutunguye kuko ntabwo yari abizi ko ndi kumushushanya. Ni ibintu yakiriye neza byamunejeje.”

Camila Cabello kuri ubu wamaze gusubira iwabo, ni umuhanzi, umwanditsi w’indirimbo n’umukinnyi wa filime ukunzwe n’abatari bake ku Isi. Yakoze indirimbo nka Havana, Crying in the Club, Senorita yakoranye na Shawn Mendez bahoze bakundana n’izindi.

Uyu mukobwa kugeza ubu ntiharamenyekana impamvu yakoreye uruzinduko mu Rwanda.

Camila Cabello yizihirije Ubunani mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .