00:00:00 IGIHE NETWORK KN KINYARWANDA EN ENGLISH FR FRANCAIS

Byari ibyishimo bisendereye mu gitaramo cya Kigali Jazz Junction (Amafoto)

Yanditswe na Uwiduhaye Theos
Kuya 2 July 2022 saa 09:47
Yasuwe :

Abanyamujyi bakomeje kuryoherwa muri Weekend ndende yo Kwibohora. Ku wa Gatanu barizihiwe mu gitaramo cya Kigali Jazz Junction.

Ku rubyiniro habanje Neptunez Band. Iri tsinda ryaririmbye indirimbo zitandukanye zirimo “Happy” ya Pharrell Williams, “Man down” ya Rihanna, “Love nwantiti” ya C Kay, “Alcohol” ya Joe Boy n’izindi ziganjemo Reggae.

Mu zindi bacuranze harimo Avec toi ya Marthe Zambo, Sweeter than Kuku na Ntunga za Radio & Weasel, Free my mind ya Omah Lay, Djadja ya Aya Nakamura n’izindi.

Lilian Mbabazi yaje ku rubyiniro amasaha ashyira saa tanu n’igice. Uyu muhanzikazi w’Umunyarwakazi ukorera umuziki muri Uganda yaririmbye ibihangano bye birimo “Danger” na “Yegwe weka” yakoranye na Kitoko.

Yanyuzagamo akavuga ko yishimiye kugaruka kuririmbira mu Rwanda , ati “Nishimiye kugaruka mu Rwanda hari hashize igihe. Ndatekereza ko mama wanjye ari hano.”

Yaririmbye izindi ndirimbo zirimo “Ndabivuze’’, aho yavuze ko ariyo ndirimbo ya mbere yakoze iri mu kinyarwanda cyuzuye.

Mbabazi yakundanye na Mowzey Radio witabye Imana tariki 1 Gashyantare 2018. Aba bombi bamenyanye mu 2005, bahuriye muri Kaminuza ya Makerere. Bahavuye basoje amasomo ariko bahita binjira mu muziki nk’impano yatumye ubumwe bwabo bukomera.

Uyu munyarwandakazi yavukiye mu Mujyi wa Kampala gusa yaje mu Rwanda nyuma ya Jenoside yakorewe Abatutsi mu 1994. Yabaye i Kigali igihe kinini mbere y’uko asubira i Kampala gukomeza amashuri muri Kaminuza ya Makerere ari nabwo yinjiye mu itsinda rya Blue3.
Yamenyanye na Radio bahujwe na muzika bombi biyumvagamo ariko batarabikora nk’umwuga. Agitangira gukundana na Radio [watabarutse] yabanje kubibwira barumuna be na babyara be babaga i Kampala, ngo yaje kubwira nyina ibya Radio ubwo yasamaga bimutunguye afite imyaka 26. Aba bombi bagiye bakundana bakongera bagashwana gusa bafitanye abana babiri; Asante Manzi na Izuba.

Aba bana yabaririmbiye muri Kigali Junction. Yavuze ko yibarutse mu 2010 umwana we mukuru yise Asante ubu ufite imyaka 12 ndetse na Izuba ufite umunani. Arangije ati “Muzi icyo bivuze kuba umubyeyi. Iyi ndirimbo nayise ‘Smile’ nayikoreye abana banjye.”

Yahise yanzika n’izindi ndirimbo zirimo “Nakudata” ya Radio n’izindi ndirimbo ze. Uyu muhanzikazi yageze aho ajya mu bafana ibyishimo biba byose kuri bo.

Igitaramo cyashyizweho akadomo na Patrice Sylvestre [Slaï]. Uyu muhanzi yaririmbye ibihangano bye bitandukanye byishimiwe birimo “Autour de toi”, “Après la tempête”, “Pour Toi”, “Ce Soir”, “Flamme”, “Dernière danse” n’izindi.

Kuva yatangira kugeza asoje abantu bari bahagaze.

Asoza igitaramo yagize ati “Mfite ibyishimo byinshi. Mwakoze cyane.” Murakoze mu kinyarwanda ni ijambo yagiye asubiramo cyane. Umurishyo wa nyuma wakomwe 23:58.

Slaï w’imyaka 49 yaherukaga kuririmba muri Kigali Jazz Junction ku wa 22 Gashyantare 2019 muri Serena Hotel.

Uyu muhanzi yamamaye mu ndirimbo zitandukanye nka ‘Après la tempête’, ‘Autour de toi’, ‘Ce soir’, ‘Flamme’ n’izindi zinyura abakunda umuziki ugenda gake.

Amazina ye asanzwe ni Patrice Sylvestre, yavukiye mu gace ka Val-d’Oise mu Majyaruguru y’u Bufaransa; ni umuririmbyi w’Umufaransa ufite inkomoko muri Guadeloupe.

Abakobwa b'i Kigali bari bikozeho
Uyu mubyinnyi wa Lilian Mbabazi yanyuze abantu
Umuririmbyi Therance Muhoza Higiro yashimishije benshi
Ababishoboye bagize amahirwe bacinya akadiho biratinda
Byari ibirori byahagurukije abantu b'ingeri zose
Abantu bizihiwe bitavugwa ...
Alyn Sano ni umwe mu bari bitabiriye
Ahabereye igitaramo hari huzuye
Buri wese yabyinaga uko abyumva
Aurore Mutesi Kayibanda wabaye Miss Rwanda mu 2012 ari mu Rwanda, yari yaje muri iki gitaramo
Byeri yari ihari ku bwinshi
DJ Berto ashyushya abitabiriye
Etienne wa Symphony yanyuze benshi kubera ubuhanga bwe mu gucuranga
Elodie Fromenteau watangije Izubaa Design ni umwe mu bari bitabiriye
Ibizungerezi by'i Kigali byari byizihiye
Ibyishimo byari byose ku bitabiriye
Iki gitaramo cyari cyaryoheye benshi
Igitaramo cyari cyitabiriwe ku bwinshi
Iki gitaramo ni ubwa mbere cyari kibereye muri Camp Kigali kuva bakomorera ibitaramo nyuma ya COVID-19
Ingwatira yari yose mu gitaramo
Jovanis ni umwe mu baririmbyi beza bari mu Rwanda
Lilian Mbabazi yashimishije benshi
Lilian Mbabazi ni umwe mu bahanzikazi nyarwanda bakorera umuziki muri Uganda
Lilian Mbabazi yagaragaje ko yari akumbuwe mu Rwanda
Afite ijwi rinyura benshi
Uwazanye uwe yari yizihiwe
Lilian Mbabazi yasabanye n'abakunzi be
Asanzwe ari Umunyarwanda nubwo igihe kinini cye akimara muri Uganda
Mutesi Nadia yegukanye ikamba rya Miss Photogenic muri Miss Rwanda mu 2017 yari yasohokanye n'umusore
Lilian Mbabazi yaririmbanye n'abakunzi be
Slai ntabwo bwari ubwa mbere ataramiye mu Rwanda
Ni igitaramo cyaryoheye abiganjemo abakunzi ba Zouk
Slaï ni umwe mu bahanzi bakundwa cyane n'abizihirwa na Zouk
Slaï yaririmbye ibihangano bye bitandukanye
Slai yishimiwe cyane bidasanzwe

Amafoto: Shumbusho Djasiri


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .