00:00:00 IGIHE NETWORK KN KINYARWANDA EN ENGLISH FR FRANCAIS

Bwiza ugiye gutaramira Abafumbira yageze muri Uganda (Amafoto)

Yanditswe na Nsengiyumva Emmy
Kuya 26 July 2022 saa 12:06
Yasuwe :

Bwiza uri mu bahanzikazi batanga icyizere mu muziki w’u Rwanda yageze muri Uganda aho yitabiriye ibirori by’ubusabane ‘Iwacu heza’ bigiye guhuza abaturage bo mu Bufumbira.

Ku mugoroba wo ku wa 25 Nyakanga 2022 nibwo Bwiza yari ageze ku Kibuga cy’indege cya Entebbe yitabiriye ibirori ngarukamwaka bigiye kuba ku nshuro ya kane, aho aba baturage bavuga ururimi rw’Igifumbira bazaba bataramiye mu gace bavukamo.

Ibi birori bihuza Abafumbira baturutse imihanda yose ku Isi, biba bigamije kwiyibutsa ibigize umuco wabo, bagatarama mu mbyino gakondo ari nako bishimira umusaruro w’ibyo baba bagezeho.

Muri uyu mwaka umuhanzikazi Bwiza ndetse na DJ Lenzo usigaye atuye muri Uganda nibo batumiwe mu gususurutsa abazitabira ibirori ‘Iwacu heza’.

Abafumbira bakunze guhuzwa n’u Rwanda kuko kugeza mu 1910 aka gace kari gaherereye ku ruhande rw’urw’imisozi igihumbi mbere y’uko abakoloni bagashyirwa kuri Uganda.

Iki gitaramo kizahuza abantu bo mu bwoko bw’Abafumbira, Abarundi ndetse n’Abanyarwanda cyatumiwemo Bwiza nyuma yo gukorera urugendo muri Uganda agakora ‘Ready Remix’ yakoranye na John Blaq. Afite kandi undi mushinga w’indirimbo yahuriyemo n’uyu musore w’Umunya-Uganda ndetse na Allan Kendrick, umuhungu wa Bebe Cool.

Ni ku nshuro ya kane ibi birori bigiye kuba
Bwiza yageze i Kampala yitabiriye ibirori by'Abafumbira
Bwiza uri mu bahanzi bagezweho mu Rwanda yatumiwe mu birori by'Abafumbira muri Uganda
Bwiza yageze Entebbe yakirwa n'abateguye ibirori by'Abafumbira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .