Iyi filime y’umunota umwe gusa yiswe “Forbidden love”. ugenekereje mu Kinyarwanda wasanga bavuga “Urukundo rubujijwe”.

Iyi filime yashyizwe mu irushanwa “Boosting shoot”, ryateguwe n’ikigo Goethe-Institut Kigali gikorana bya hafi na Ambasade y’u Budage.

Umwe mu bayobozi b’iki kigo waganiriye na IGIHE, yavuze ko aya marushanwa bayateguye mu gihe cya Covid-19 kugira ngo abanyempano babashe kubona ibyo bahugiraho.

Ati”Twashakaga gufasha abanyempano batandukanye kubona ibyo bahugiraho muri ibi bihe, ryari irushanwa rigamije kureba filime nziza tukabatera inkunga yo kuzikora.”

Niyo mpamvu twasabye ko bakora filime y’umunota umwe. Muri iri rushanwa ryari rimaze hafi amezi abiri, filime 30 nizo ziyandikishije.

Muri izi filime zose hatoranyijwe 10 ari nazo zahembwe, ba nyirazo bahabwa amafaranga yo kuzikora.

Muri izi icumi zahembwe harimo iyitwa “Forbidden love” yanditswe ikanayoborwa na Rebecca Mucyo Uwamahoro.

Iyi filime ikubiyemo inkuru y’abakobwa babiri b’imyaka 20 baba bakundana, bakabangamirwa no kubigaragaza, bahitamo kubihisha kuko umuco na sosiyete bari batuyemo yabitaga abatinganyi.

Uwamahoro wanditse akanayobora iyi filime si ubwa mbere avuzwe mu nkuru z’urukundo rw’abahuje ibitsina kuko mu 2017 yambikanye impeta na Ferrand Ndayisaba bari bemeranyije kuzashakana nk’umugore n’umugabo.

Ni inkuru yavuzwe cyane mu itangazamakuru ryo mu Rwanda, icyakora urukundo rwabo rwaje gukendera mu 2018.

View this post on Instagram

Goethe Institut Kigali’s *Boosting shoots* grants supported the production of 10 digital projects by artists based in Rwanda. Today we are sharing Rebecca Uwamahoro’s project! FORBIDDEN LOVE is a short film about queer love awareness. Two young girls in their early 20's who are attracted to each other find it hard to express their feelings for each other and choose to hide it due to strong cultural and social stigma of being called gay. We learn about their feelings for each other through poetry and how they look at each other. Writer/Director: Rebecca Mucyo Uwamahoro @beckymucyo DOP/Editor: Shakur Editing Supervisor: Remy Ryumugabe @eyetrace_thevisualartist Poetry written and edited by: @Manzi le poète and @beckymucyo Make-up: Jasmin Kibatega @iamjazmingolden "If your culture/religion doesn't teach love before anything else, maybe you shouldn't be proud of it." #InvisibleToVisible #LoveOverEverything #LoversLove #LGBTIQA+LOVE #LgbtiqAwareness #RwandanQueerLove #QueerLove

A post shared by Goethe-Institut Kigali (@goetheinstitut_kigali) on Sep 9, 2020 at 8:41am PDT

Bwa mbere mu Rwanda hakiniwe Filime y’abakundana bahuje ibitsina “Forbidden Love”

Uwamahoro (Ubanza iburyo) wanditse akanayobora iyi filime si ubwa mbere avuzwe mu nkuru z’urukundo rw’abahuje ibitsina, mu 2017 yambikanye impeta na Ferrand Ndayisaba