Bwa mbere Asinah na Riderman bagiye guhurira mu birori kuva batandukana

Yanditswe na Muvunyi Arsène
Kuya 17 Nyakanga 2019 saa 10:25
Yasuwe :
0 0

Ku nshuro ya kabiri i Kigali hagiye kubera ibirori byiswe 1000 Hills Pool Party byatumiwemo abarimo Riderman na Asinah bazaba bahuriye mu birori ku nshuro ya mbere kuva mu 2015.

Ibirori bya Pool Party bikorerwa ku nkengero za piscine aho ababyitabira bajyamo bakoga ari nako bacurangirwa imiziki n’aba DJ banyuranye.

1000 Hills Pool Party y’uyu mwaka izaba tariki 20 Nyakanga 2019 kuri Hotel Villa Portofino i Nyarutarama aho hazaba hari aba DJs bamenyerewe mu Rwanda nka DJ Marnaud, DJ Miller, DJ Phil Peter, DJ Anita Pendo, 1k DJs n’abandi.

Hazagaragara kandi abahanzi b’ibyamamare mu Rwanda barimo Amalon, Sintex, Christopher na Passy Kizito wahoze mu itsinda rya TNP.

By’umwihariko 1000 Hills Pool Party izahuza Riderman na Asinah Erra bafitanye amateka akomeye. Kuva batandukana mu 2015 bari batarongera guhurira ahari abantu benshi ndetse Asinah yakunze kumvikana avuga amagambo yibasira Riderman.

Hari indirimbo Asinah yagiye ashyira hanze bikavugwa ko yaba ari kwibasira uyu mugabo bakundanye imyaka umunani, bagatandukana mu buryo bwatunguye benshi.

Ibikorwa bya Asinah kuri Riderman bamwe babifashe nk’ubushotoranyi, kumwuriraho kugira ngo avugwe, cyangwa se ibikomere yatewe n’uko urukondo rwabo rwangiye nabi.

N’ubwo Riderman yababajwe n’ibyo uwari umukunzi we Asinah yagiye amuvuguha yirinze kugira icyo amusubiza, binagoye kumenya niba yaramubabariye cyangwa harimo inzigo

Ikibazwa ni ikizakurikira nyuma yo guhurira muri ibi birori, niba bazarenaho ku byabaye bakaba baganira cyangwa se niba nta n’umwe uzareba undi n’irihumye.

Riderman na Asinah kuva batandukana ntibaherukaga guhurira mu birori
Ibirori bya 1000 hills Pool Party bizabera kuri Portofino Hotel

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza