00:00:00 IGIHE NETWORK KN KINYARWANDA EN ENGLISH FR FRANCAIS

Butera Knowless yataramiye muri Amerika (Amafoto)

Yanditswe na Nsengiyumva Emmy
Kuya 13 October 2024 saa 10:56
Yasuwe :

Butera Knowless uri mu bahanzi bafite izina rikomeye mu Rwanda, yataramiye muri Leta Zunze Ubumwe za Amerika mu mpera z’iki cyumweru mu gitaramo ‘African Rhythms’ cyateguwe n’umuryango ‘Global Livingston Institute’.

Nyuma y’iki gitaramo, Knowless yabwiye IGIHE ko yishimiye gutaramira muri Amerika, avuga ko yanyuzwe n’urukundo yeretswe n’abiganjemo Abanyamerika bari bitabiriye iki gitaramo n’Abanyarwanda bake babashije kuhagera.

Ati “Uretse Abanyarwanda bake bumvise ko mfite igitaramo bakabasha kwitabira, biba ari ibintu bishimishije gutaramira abantu biganjemo abanyamahanga ukabona ko bashaka kumva ibyo uririmba, nubwo akenshi batumva ururimi ariko bakunda umuziki, byari ibintu bishimishije kandi ntekereza ko ari ibintu buri muhanzi yakwifuza."

Iki gitaramo cyabereye mu Mujyi wa Denver muri Leta ya Colorado cyari kigamije gukusanya inkunga umuryango ‘Global Livingston Institute’ ukoresha mu bikorwa bitandukanye ukora mu rwego rwo gufasha urubyiruko rwo muri Afurika aho usanzwe ukorera.

Umuryango ‘Global Livingston Institute’ usanzwe ukorana bya hafi na KINA Music ndetse imikoranire yabo yagaragaye cyane ubwo bakoranaga mu bitaramo bya ‘Tour du Rwanda Festival’.

Uyu Muryango ukorera mu bihugu binyuranye, washingiwe mu Rwanda no muri Uganda mu 2009 nyuma y’imyaka ibiri Jamie Van Leeuwen wawushinze akoreye urugendo muri ibi bihugu byo muri Afurika y’Iburasirazuba, akahasanga ibibazo binyuranye byari byiganjemo ibyugarije urubyiruko.

Umenyerewe mu gutegura ibitaramo mu rwego rwo gusangira imico yo mu bihugu binyuranye.

Ibyishimo byari byinshi kuri Butera Knowless
Butera Knowless yavuze ko yishimiye gutaramira abiganjemo Abanyamerika
Ubwitabire ntabwo bwari hasi rwose
Butera Knowless yashimiye Abanyarwanda bake bamusshyigikiye muri iki gitaramo
Mu bitabiriye iki gitaramo hari higanjemo Abanyamerika
Ni igitaramo yafashijwemo n'abacuranzi batandukanye
Nyuma y'igitaramo bafashe agafoto k'urwibutso

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .