Ibi bitaramo byatangiriye muri ‘CAVM- Busogo’ ku wa 9 Ugushyingo 2024, byari byakomereje muri Kaminuza y’u Rwanda ishami rya Huye kuri uyu wa 16 Ugushyingo 2024.

Bwiza na Bushali nibo bahanzi bari kugendana n’iyi radiyo iri kumenyekanisha igikorwa cya ‘Isango na Muzika Awards’, aho izengurukana n’abafatanyabikorwa bayo.

Ni igitaramo cyatangijwe n’abahanzi bari kuzamukira muri Kaminuza y’u Rwanda ishami rya Huye, hakurikiraho Kenny Edwin wabanjirije Bwiza ku rubyiniro.

Muri iki gitaramo cyari kiyobowe na MC Tino, Bwiza yongeye kugaragaza ko ari umwe mu bahanzi b’Abanyarwanda bafite abakunzi benshi muri Kaminuza y’u Rwanda ishami rya Huye.

Nyuma ya Bwiza, Bushali nawe yahise azamuka ku rubyiniro asusurutsa abanyeshuri bari benshi mu cyumba cyaberagamo igitaramo.

Bushali waririmbiye abanyeshuri nyinshi mu ndirimbo ze zakunzwe, niwe washyize akadomo kuri iki gitaramo byitezwe ko kizakomereza mu tundi turere turimo Nyabihu na Nyagatare.

Ikigo cy’itangazamakuru cya Isango Star kigiye gutanga ku nshuro ya gatanu ibihembo bya IMAwards (Isango na Muzika Awards) bigenerwa abahize abandi mu myidagaduro.

Ibi bihembo bigamije gushimira abahanzi ndetse n’abari mu ruganda rw’imyidagaduro, bizatangwa tariki 22 Ukuboza 2024 muri Kigali Convention Centre.

Kuva mu 2023 ibi bihembo bibanzirizwa n’ibitaramo bibera hirya no hino mu gihugu bizwi nka ’Isango na Muzika Awards Tour’.

Abahanzi bahatanira ibi bihembo ndetse n’abazitabira ibitaramo bya Isango na Muzika Awards Tour bazatangazwa mu minsi iri imbere.

Ibi bihembo bitegurwa na Isango Star binyuze mu kiganiro “Isango na Muzika” kimaze imyaka irenga 10 giteza imbere abahanzi.

MC Tino niwe uyobora ibitaramo bya Isango na Muzika Awards

Kenny Edwin yanyuzagamo agasimbukira mu bafana

Bwiza imbere y'abakunzi be muri Kaminuza y'u Rwanda ishami rya Huye

Abakunzi b'umuziki bari benshi muri 'Auditorium ya Kaminuza y'u Rwanda ishami rya Huye

Bwiza yasimbukanaga n'abakunzi be b'i Huye

Bwiza yanyuzagamo akabyinana n'abakunzi be

Abakunzi b'umuziki b'i Huye beretse urukundo Bwiza

Buri wese yifuzaga gufata amashusho n'amafoto y'urwibutso ya Bwiza

Bwiza ari kumwe n'inkumi zo muri 'Kigali Protocol' bafatanye ifoto y'urwibutso n'abafana

Ubwo Bushali yari ahingutse imbere y'abakunzi be

Bushali muri Kaminuza y'u Rwanda, abanyeshuri bamukunda bikomeye

Benshi bafataga amafoto n'amashusho y'urwibutso

Bushali ni umwe mu bahanzi bakoresha imbaraga nyinshi ku rubyiniro

Byari ibyishimo ku banyeshuri biga muri Kaminuza y'u Rwanda ishami rya Huye